গোলাঘাট, 5 জানুৱাৰীঃ দেওবাৰে অসম নাগালেণ্ড সীমান্তৱৰ্তী গোলাঘাট মেৰাপানীত ৰচিত হ'ল এক ইতিহাস । মানৱ সমাজক জীৱনদান দি অহা চিকিৎসা বিজ্ঞানলৈ অৱদান আগবঢ়াই গোলাঘাট মেৰাপানীৰ প্ৰায় 17 জন লোকে । চিকিৎসা বিজ্ঞানৰ অধিক উত্তৰণৰ অৰ্থে দেওবাৰে মেৰাপানীৰ দৈয়াং মহাবিদ্যালয় প্ৰেক্ষাগৃহত পোনপ্ৰথমবাৰৰ বাবে 17 জন লোকে সম্পন্ন কৰে মৰণোত্তৰভাৱে দেহদানৰ যাৱতীয় প্ৰক্ৰিয়া।
"নতুন সমাজ" নামৰ অনুষ্ঠানটিৰ প্ৰথম বাৰ্ষিক প্ৰতিষ্ঠা দিৱসৰ সৈতে সংগতি ৰাখি "ইলোৰা বিজ্ঞান মঞ্চ"ৰ যোগেদি অঞ্চলটোৰ গ্ৰামাঞ্চলৰ ভিন্ন বয়সৰ লোকে মৰণোত্তৰভাৱে দেহ দান কৰে । অনুষ্ঠানত বিজ্ঞানী ড: প্ৰণৱজ্যোতি চেতিয়াৰ লগতে বহুসংখ্যক বিশিষ্ট লোক উপস্থিত থাকে । চিকিৎসা বিজ্ঞানৰ পৰীক্ষা-নিৰীক্ষাৰ বাবে ভাৰতত মাত্ৰ ১০ শতাংশ মানুহে প্ৰয়োজনীয় মানৱদেহ পোৱাৰ বিপৰীতে আজিৰ এই অনুষ্ঠানৰ ফলত ৰাইজৰ মাজত ব্যাপক সজাগতা সৃষ্টি হোৱা বুলি আশা কৰে সচেতন মহলে।
লগতে পঢ়ক: চৰকাৰী বিদ্যালয়ৰ দিশে অভিভাৱক !
