শিশু ভাওনা কৰ্মশালাৰ সফল সামৰণি

মহাপুৰুষ শ্ৰীমন্ত শংকৰদেৱৰ অমৰ সৃষ্টি ভাওনাক অসমীয়া সমাজত অধিক সজীৱ কৰি ৰখা উদ্দেশ্যে গোলাঘাটৰ এক নং বৰটিং নাওশলীয়া হৰি মন্দিৰত অনুষ্ঠিত হোৱা এমাহীয়া শিশু ভাওনা কৰ্মশালাৰ সফল সামৰণি

গোলাঘাট, 5 আগষ্টঃ মহাপুৰুষ শ্ৰীমন্ত শংকৰদেৱৰ অমৰ সৃষ্টি ভাওনাক অসমীয়া সমাজত অধিক সজীৱ কৰি ৰখা উদ্দেশ্যে গোলাঘাট জিলাৰ এক নং বৰটিং নাওশলীয়া হৰি মন্দিৰত অনুষ্ঠিত হোৱা এমহীয়া ভাওনা কৰ্মশালাৰ সফল সামৰণি পৰে ৷ স্থানীয় এটা সাংস্কৃতিক গোষ্ঠী আৰু গাঁৱৰ ৰাইজৰ প্ৰচেষ্টাত অনুষ্ঠিত হোৱা এই কৰ্মশালাৰ জৰিয়তে কণমানি শিশুৰ সকলক শৰীৰৰ অংগ সঞ্চালনা,পদ চালনা,শৰীৰৰ নানা ভংগীমাৰ শিক্ষা প্ৰদান দিয়াৰ লগতে একো একোজন শিশুক অভিনেতা অভিনেত্ৰী হিচাপে গঢ়ি তোলাৰ বাবে চেষ্টা কৰা হয় ৷