গোলাঘাট, 29 ফেব্ৰুৱাৰীঃগোলাঘাটত বিগত 27 ফেব্ৰুৱাৰীত সমষ্টিভিত্তিত অনুষ্ঠিত হৈছিল এখন সাংগঠনিক সভা । এই সাংগঠনিক সভাত অংশগ্ৰহণ কৰিছিল বিজেপিৰ ৰাজ্যিক সভাপতি ৰঞ্জিত কুমাৰ দাসে । কিন্তু বিজেপিৰ ৰাজ্যিক সভাপতিগৰাকীৰ সন্মুখতে এখন নাটক ৰচনা কৰাৰ অভিযোগ কৰিছে গোলাঘাট ছাত্ৰ মুক্তি সংগ্ৰাম সমিতিয়ে । বিজেপি নেতা জয়ন্ত গোস্বামীয়ে সুনিয়োজিতভাৱে নাটকখন ৰচনা কৰাৰ অভিযোগ কৰিছে ছাত্ৰ মুক্তি সংগ্ৰাম সমিতিয়ে । বিজেপিত যোগদান কৰা লোককেইজন চাহ শ্ৰমিক তথা ছাত্ৰ মুক্তি সংগ্ৰাম সমিতিৰ লগত কোনোধৰণৰ সম্পৰ্ক নথকাৰ অভিযোগ গোলাঘাট ছাত্ৰ মুক্তি সংগ্ৰাম সমিতিৰ । বৰঞ্চ ৰাজ্যিক সভাপতিগৰাকীৰ ওচৰত বাহ বাহ ল'বলৈ গোলাঘাট বিজেপি তথা জয়ন্ত গোস্বামীয়ে নাটকখন ৰচনা কৰা বুলি প্ৰতিক্ৰিয়া প্ৰকাশ কৰে ছাত্ৰ মুক্তি সংগ্ৰাম সমিতিয়ে ।
গোলাঘাটত সাংগঠনিক সভাত নাটক ৰচনাৰ অভিযোগ