এন আৰ চি চূড়ান্ত তালিকাত নাম নাহিল গোলাঘাটৰ সাংবাদিকৰ

৩১ আগষ্টত প্ৰকাশ পোৱা এন আৰ চিৰ চূড়ান্ত তালিকাত নাম নাহিল গোলাঘাট কমাৰবন্ধাৰ সাংবাদিক চুলতান আলি সহ পৰিয়ালৰ

গোলাঘাট, 2 ছেপ্তেম্বৰ : গোলাঘাটৰ এজন সাংবাদিকৰ পৰিয়ালৰ নাম নাহিল ৰাষ্ট্ৰীয় নাগৰিক পঞ্জীৰ চূড়ান্ত তালিকাত ৷ গোলাঘাট কমাৰবন্ধাৰ সাংবাদিক চুলতান আলিৰ পৰিয়ালৰ নাম অন্তৰ্ভুক্ত নহ'ল চূড়ান্ত তালিকাত । চুলতান আলিৰ লগতে তেওঁৰ পিতৃ আব্দুল মতলিব,মাতৃ ৰেজিয়া বেগম আৰু চুলতানৰ কন্যা ৰুষ্টামিন জাহানৰ আৰু চুলতানৰ পত্নী পাৰবিন চুলতানাৰ নাম বাদ পৰিল এন আৰ চিৰ চূড়ান্ত তালিকাত। বৰ্তমান তীব্ৰ মানসিক চাপত ভুগিছে প্ৰায় ২০ বছৰো অধিক কাল সাংবাদিকতাৰ সৈতে জড়িত সাংবাদিক চুলতান আলিৰ লগতে পৰিয়ালটো।