গোলাঘাটত বক্সিং চেম্পিয়নচিপ প্ৰতিযোগিতা

গোলাঘাটত ৰাষ্ট্ৰীয় পৰ্যায়ৰ বক্সিং প্ৰতিযোগিতাত অংশগ্ৰহণ কৰিব অসমৰ লগতে কাষৰীয়া ছিকিম, ৱেষ্ট বেংগল, মেঘালয়ৰ মুঠ ১০৪ গৰাকী প্ৰতিযোগীয়ে ।

গোলাঘাট, ১৪ মাৰ্চ: বৃহস্পতিবাৰে গোলাঘাটত২৪ মাৰ্চৰ পৰা ২৭ মাৰ্চলৈকে অনুষ্ঠিত হ’বলগীয়া ৰাষ্ট্ৰীয় পৰ্যায়ৰ বক্সিং প্ৰতিযোগিতাখনক লৈ এক সংবাদমেল আয়োজন কৰা হয়বক্সিং এমেচাৰ এচ'ছিয়েছনত ।বক্সিং ফেডাৰছন অৱ ইণ্ডিয়াৰ ইষ্ট জ'নৰ ছাৱ জুনিয়ৰ পুৰুষ আৰু মহিলা উভয়ৰে মেচ অনুষ্ঠিত হ’ব এই প্ৰতিযোগিতাত ।

তিনিদিনীয়া কাৰ্যসূচীৰে হ'বলগীয়া প্ৰতিযোগিতাখনত অংশগ্ৰহণ কৰিব অসমৰ লগতে কাষৰীয়া ছিকিম, ৱেষ্ট বেংগল, মেঘালয়ৰ মুঠ ১০৪ গৰাকী প্ৰতিযোগীয়ে । প্ৰতিযোগিতাখনত মুখ্য অতিথি হিচাপে অসমৰ মুখ্যমন্ত্ৰী সৰ্বানন্দ সোণোৱাল আৰু অতিথি ৰূপে এম .চি মেৰীকম, শিৱ থাপা, লাভলীনা বৰগোঁহাই, অংকুশিতা বড়ো উপস্থিত থাকিব বুলি জানিব দিয়ে আয়োজকে ৷