Fraud arrested by Police: আৰক্ষী বিষয়াৰ পৰিচয় দিয়া পিংকু দাস বোকাখাত আৰক্ষীৰ জালত

আৰক্ষী বিষয়াৰ পৰিচয় দি বহু দুষ্কাৰ্য কৰা পিংকু দাস অৱশেষত পৰিল আৰক্ষীৰ জালত(Fraud arrested by Police) । বোকাখাতত এখন স্ক'ৰপিঅ' বাহনসহ প্ৰৱঞ্চক পিংকু দাসক গ্ৰেপ্তাৰ কৰে আৰক্ষীয়ে ।

বোকাখাত,৯ আগষ্ট:এইবাৰ আৰক্ষীৰ ৰূপত এক প্ৰৱঞ্চক(Fraud arrested by Police) ৷ পত্নীৰ নামত থকা নিজৰ স্ক'ৰপিঅ' গাড়ীখনো সজাই লৈছে আৰক্ষীৰ গাড়ীৰ দৰেই ৷ অৱশেষত বোকাখাত আৰক্ষীৰ অভিযানত ধৰা পৰিল প্ৰৱঞ্চকটো ৷ আৰক্ষীৰ অভিযানত স্ক'ৰপিঅ' গাড়ীসহ গ্ৰেপ্তাৰ হোৱা ভুৱা প্ৰৱঞ্চকটো গোলাঘাট কাবৰু গাঁৱৰ পিংকু দাস ৷ AS01FD1962 নম্বৰৰ স্ক'ৰপিঅ' গাড়ীখন আৰক্ষীৰ গাড়ীৰ দৰে সজাই লৈ প্ৰৱঞ্চক পিংকু দাসে বিভিন্ন সময়ত আৰক্ষীৰ বাহন বুলি পৰিচয় দি দীৰ্ঘদিন ধৰি দুস্কাৰ্য সংঘটিত কৰি আহিছিল ৷

গৰুৰ অবৈধ ব্যৱসায়ৰ সৈতেও জড়িত আছিল প্ৰৱঞ্চক এই পিংকু দাস ৷ কিছুদিনৰ পৰা বোকাখাত আৰক্ষীয়ে পিংকু দাসৰ ওপৰত বিশেষ নজৰ ৰাখি আহিছিল যদিও প্ৰৱঞ্চক পিংকু দাসক কৰায়ত্ব কৰিব পৰা নাছিল ৷ কিন্তু মঙলবাৰে আৰক্ষীৰ নিয়মীয়া তালাচীত ধৰা পৰে প্ৰৱঞ্চক পিংকু দাস ৷

ইয়াৰ পূৰ্বে পিংকু দাসৰ বিৰুদ্ধে জখলাবন্ধা আৰু কলিয়াবৰ থানাত কেইবাটাও অপৰাধমুলক গোচৰ ৰুজু হৈ আছে ৷ প্ৰৱঞ্চক পিংকু দাসৰ পৰা পাঁচটা মবাইল, সাতটা বিভিন্ন চীল, কলম আকৃতিৰ এখন চুৰী আৰু দুখন গাড়ীৰ নম্বৰ প্লেট আৰক্ষীয়ে জব্দ কৰিছে ৷ বৰ্তমান বোকাখাত আৰক্ষীয়ে অধিক তথ্যৰ সন্ধানত জেৰা অব্যাহত ৰাখিছে বুলি জানিব পৰা গৈছে ৷

লগতে পঢ়ক:Income tax raid at Athgaon : ব্যৱসায়ী জে পি আগৰৱালাৰ বাসগৃহত আয়কৰ বিভাগৰ অভিযান