গোলাঘাট, 8 নৱেম্বৰঃ গোলাঘাট জিলাৰ জ্যোতিনগৰ ইটাখুলিত বৃহস্পতিবাৰে নিশা সংঘটিত হয় এক ভয়ংকৰ অগ্নিকাণ্ডৰ ঘটনা ৷ অগ্নিকাণ্ডটোত এটা ঘৰ সম্পূৰ্ণ ৰূপে জাহ যোৱাৰ লগতে এগৰাকী বৃদ্ধা আৰু তিনি বছৰীয়া এগৰাকী শিশুৰ মৃত্যু হয় ৷ অগ্নিকাণ্ডৰ ঘটনা কেনেকৈ সংঘটিত হয় সেইয়া এতিয়ালৈকে স্পষ্ট হোৱা নাই ৷ অগ্নিকাণ্ডত মৃত্যু হোৱা বৃদ্ধাগৰাকীৰ নাম ৰেনু ভূঞা আৰু শিশুটিৰ নাম শেৱালী ভূঞা ৷ প্ৰাপ্ত তথ্য মতে,অগ্নিকাণ্ডৰ সময়ত সম্বন্ধত আইতাক আৰু নাতিনীয়েক ঘৰৰ ভিতৰতে আছিল ৷ মূহুৰ্তৰ ভিতৰতে ঘৰটো জুইয়ে আৱৰি ধৰাত ঘৰৰ পৰা ওলাই আহিবলৈ সক্ষম ন'হল আইতাক আৰু নাতিনীয়েক ৷ দৈনিক হাজিৰা কৰি পৰিয়াল পোহপাল দিয়া শেৱালীৰ পিতৃ মাতৃয়ে ৰঙৰ কাম কৰিবলৈ যাওঁতে সংঘটিত হয় শোকাৱহ দুৰ্ঘটনাটো। শোকাৱহ ঘটনাটোয়ে শোকৰ ছাঁ পেলাইছে সমগ্ৰ অঞ্চলটোত ।
গোলাঘাট জিলাৰ ইটাখুলিত ভয়ংকৰ অগ্নিকাণ্ডৰ ঘটনা