দেৰগাঁও, 17 জুন : দেৰগাঁৱৰ উপকণ্ঠ নদী কাষৰীয়া অঞ্চল সমুহত দেখিবলৈ পোৱা গৈছে এক ব্যতিক্ৰমী দৃশ্য। জেঠৰ পথাৰত দেখা গৈছে আঘোণৰ ব্যস্ততা । বড়োধানৰ সোনোৱালী পথাৰে দৃষ্টি আকৰ্ষণ কৰিছে সকলোকে। জেঠৰ উদং পথাৰ খন ভৰি পৰিছে সোনোৱালী শস্যৰে।
হাতত কাছি লৈ ব্যস্ত দাৱনী, মুঠি মুঠি কৈ শাৰীপাতি থৈ যোৱা সোনগুটি বোৰে কৃষকৰ মন উৎফুল্লিত কৰি তুলিছে । পুহৰ শেষৰ ফালে অৰ্থাৎ মাঘ মাহৰ পৰা শাওনৰ ব্যস্ততাৰ দৰে ভূই ৰুই আৰম্ভ কৰা এই বড়োধানৰ খেতি কৰি জেঠ আৰু আহাৰ মাহৰ প্ৰথম ভাগতে সোনগুটি ভৰাললৈ চপাইছে নৈপৰীয়া কৃষকে ।
বড়োধানৰ খেতিৰে ভৱিষ্যতৰ সোনোৱালী সপোন ৰছিছে নৈ পৰীয়া কৃষকে