সৰুপথাৰ, ১ জুন :গোলাঘাট জিলাৰ ধনশিৰি মহকুমাৰ শিক্ষাৰ ক্ষেত্ৰৰ অন্যতম অগ্ৰণী শিক্ষানুষ্ঠান হৈছে সৰুপথাৰ মহাবিদ্যালয় । এই মহাবিদ্যালয়ৰে প্ৰাক্তন ছাত্ৰ তথা ২০১৮ বৰ্ষৰ ডিব্ৰুগড় মহাবিদ্যালয়ৰ আন্তঃমহাবিদ্যালয় যুৱ মহোৎসৱৰ শ্ৰেষ্ঠ অভিনেতা অংশুপ্ৰতীম শইকীয়া বৰ্তমান অসুস্থ । মাত্ৰ ২১ বছৰ বয়সতে যকৃতৰ জটিল ৰোগত আক্ৰান্ত হৈছে প্ৰতিভাৱান ছাত্ৰজন ।
গুৱাহাটীৰ নেমকেয়াৰ হাস্পতালত সম্প্ৰতি আই চি ইউত সংকটজনক অৱস্থাত চিকিৎসা চলিছে ছাত্ৰজনৰ । সেয়ে দৰিদ্ৰ পৰিয়ালৰ ছাত্ৰজনক কিছু আৰ্থিক সহায়ৰ বাবে আগবাঢ়ি আহিল সৰুপথাৰ মহাবিদ্যালয়ৰ ছাত্ৰ একতা সভা ।