দলৰ সদস্য পদ নথকা প্ৰাৰ্থীক দলৰ পৰা বহিষ্কাৰ সন্মিলিত গণশক্তিৰ

পৌৰসভা নিৰ্বাচনৰ দিন চমু চাপি অহাৰ লগে লগে সলনি হৈছে বোকাখাতৰ ৰাজনৈতিক দৃশ্যপট । দলৰ সদস্য পদ নথকা প্ৰাৰ্থীক দলৰ পৰা বহিষ্কাৰ ৰাজনৈতিক দল সন্মিলিত গণশক্তিৰ ।

বোকাখাত, 21 ফেব্ৰুৱাৰী :বোকাখাতত চলিছে এতিয়া পৌৰসভা নিৰ্বাচনৰ গৰম বতাহ । পৌৰসভা নিৰ্বাচনৰ দিন চমু চাপি অহাৰ লগে লগে সলনি হৈছে বোকাখাতৰ ৰাজনৈতিক দৃশ্যপট । সন্মিলিত গণশক্তি সমৰ্থনত বোকাখাত পৌৰসভাৰ ১ নং ৱাৰ্ডৰ পৰা কৃষ্ণ কাৰ্ডঙে প্ৰাৰ্থীত্ব আগবঢ়াইছিল যদিও অন্তিম ক্ষণত গণশক্তি দলে কৃষ্ণ কাৰ্ডঙৰ সমৰ্থন প্ৰত্যাহাৰ কৰে(Krishna Kardong expelled from Ganashakti party) ।

গণশক্তি দলে অগপ আৰু বিজেপি মিত্ৰজোঁটৰ লগত ৰাজনৈতিক বুজাপৰা কৰি কৃষ্ণ কাৰ্ডঙক মনোনয়ন প্ৰত্যাহাৰ কৰিবলৈ জোৰ কৰিছিল যদিও কৃষ্ণ কাৰ্ডঙে মনোনয়ন প্ৰত্যাহাৰ নকৰি নিৰ্দলীকৈ প্ৰতিদন্দিতা আগবঢ়োৱাৰ সিদ্ধান্ত গ্ৰহণ কৰে ।

আনহাতে গণশক্তি দলে কৃষ্ণ কাৰ্ডঙক দলৰ পৰা বহিস্কাৰ কৰাৰ কথা ঘোষণা কৰে । ইয়াৰ পাছতে সংবাদ মাধ্যমৰ সন্মুখত গণশক্তি দলে গছত উঠাই গুৰি কাটিলে বুলি মন্তব্য কৰে ১ নং ৱাৰ্ডৰ প্ৰাৰ্থী কৃষ্ণ কাৰ্ডঙে ৷ তেওঁ লগতে মনোনয়ন পত্ৰ প্ৰত্যাহাৰ কৰিবৰ বাবে গণশক্তি দলৰ বিষয়ববীয়া ভাবুকি প্ৰদান কৰাৰ কথা তেওঁ উল্লেখ কৰি ৰাইজৰ সমৰ্থনত নিৰ্বাচনত প্ৰতিদন্দিতা আগবঢ়াই যাব বুলি উল্লেখ কৰে ।

লগতে পঢ়ক :বিজেপি প্ৰাৰ্থীৰ ভাগ্য উদয় : মনোনয়ন প্ৰত্যাহাৰ পৌৰসভা নিৰ্বাচনৰ নিৰ্দলীয় প্ৰাৰ্থীৰ