অভিযান্ত্ৰিক মহাবিদ্যালয়ক লৈ চৰকাৰৰ ৰাজনীতি!

সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতি গগৈয়ে গোলাঘাট অভিযান্ত্ৰিক মহাবিদ্যালয় পৰিদৰ্শন কৰি অভিযান্ত্ৰিক মহাবিদ্যালয়ক লৈ চলি থকা ষড়যন্ত্ৰ সন্দৰ্ভত সংবাদমেল সম্বোধন

গোলাঘাট, 30 জুলাইঃ মুখ্যমন্ত্ৰী সৰ্বানন্দ সোণোৱালে উন্মোচন কৰা গোলাঘাট অভিযান্ত্ৰিক মহাবিদ্যালয়য়ে আন্তঃগাথঁনিৰ বাবে AICTE ৰ পৰা অনুমোদন লাভ নকৰাৰ পাছৰে পৰাই অনিশ্চয়তাত ভুগিছে অভিযান্ত্ৰিক মহাবিদ্যালখনে ৷ মঙলবাৰে সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতি গগৈয়ে গোলাঘাট অভিযান্ত্ৰিক মহাবিদ্যালয় পৰিদৰ্শন কৰি অসমৰ অভিযান্ত্ৰিক মহাবিদ্যালয় সমূহক লৈ চলি থকা কেতবোৰ গুৰুত্বপূৰ্ণ দিশৰ ওপৰত এক সংবাদ মেল অনুষ্ঠিত কৰে ৷ সংবাদমেলত চৰকাৰে নিজে প্ৰতিষ্ঠা কৰা মহাবিদ্যালয়খনে চৰকাৰী ভুল নীতিৰ বাবেই অনুমোদন লাভ নকৰাৰ অভিযোগ উত্থাপিত কৰি কয় যে কেৱল গোলাঘাট অভিযান্ত্ৰিক মহাবিদ্যালয়ে নহয় অসমৰ সৰহ সংখ্যক অভিযান্ত্ৰিক মহাবিদ্যালয়ে আন্তঃগাথঁনি আৰু প্ৰয়োজনীয় শিক্ষক কৰ্মচাৰীৰ অভাৱত ভুগি আছে ৷ এই ক্ষেত্ৰত অসম চৰকাৰক দোষাৰোপ কৰি অতি শীঘ্ৰে এই সমূহ সমস্যাৰ অৱসান ঘটাই নতুন ৰূপত অভিযান্ত্ৰিক মহাবিদ্যালয় সমূহক গঢ়ি তুলিবলৈ দাবী উত্থাপন কৰে ৷