গোলাঘাটত ডিপু কতৃপক্ষৰ গ্ৰাহকক প্ৰৱঞ্চনা

চহৰৰ মাজমজিয়াৰ তেল ডিপুটোৰ এই প্ৰৱঞ্চনাৰ বিৰুদ্ধে ভুক্তভুগী দেৱজিৎ গগৈয়ে আইনী ব্যৱস্থা ল'ব ৷

গোলাঘাট, 7 এপ্ৰিলঃ গোলাঘাটৰ ডিএন হাজৰিকা তেল ডিপু কতৃপক্ষৰ বিৰুদ্ধে গ্ৰাহকক প্ৰৱঞ্চনাৰ কৰাৰ অভিযোগ ৷ দুই লিটাৰ তেলত প্ৰায় ডেৰশ গ্ৰাম কমকৈ বিক্ৰী গ্ৰাহকক ৷

উল্লেখ্য যে, দেৱজিৎ গগৈ নামৰ গ্ৰাহকজনে ডিপুটোত পূৰ্বতে বাইকত তেল ভৰাই সঠিক পৰিমাণৰ তেল নোপোৱাৰ সন্দেহ কৰি এটা বটলত দুই লিটাৰ তেল ভৰোৱাইছিল কিন্তু জোখ-মাখ কৰি প্ৰমাণ হয় যে দুই লিটাৰত প্ৰায় ডেৰশ গ্ৰাম তেল কম হয় ৷ তাৰ পিছতেই তেল ডিপুটোৰ এই প্ৰৱঞ্চনাৰ কথা পোহৰলৈ আহে । আৰু পূৰ্বতেও তেল ডিপুটোৱে এনেধৰণে গ্ৰাহকক প্ৰৱঞ্চনা কৰি অহাৰ অভিযোগ আছিল যদিও নিতৌ শ শ গাড়ী বাইকত গ্ৰাহক সকলে তেল ভৰাই এই ডিপুটোৰ পৰাই ৷ সকলোকে এনেদৰে প্ৰৱঞ্চনাৰে লুটি-পুটি খাই আহিছে লাখ লাখ টকা ৷ ইতিমধ্যে, তেল ডিপুটোৰ বিৰুদ্ধে ভুক্তভুগী দেৱজিৎ গগৈয়ে আইনী ব্যৱস্থা ল'ব বুলি জানিবলৈ দিয়ে ।

এতিয়া প্ৰশ্ন হয় উক্ত তেল ডিপুটোৰ বিৰুদ্ধে প্ৰশাসনে কি ব্যৱস্থা লয় সেয়াহে লক্ষণীয় হ’ব, নে এনেকৈ সদায় গ্ৰাহকক প্ৰৱঞ্চনাৰে লাখ লাখ টকা লুটি পুটি খোৱাৰ সুযোগ দি থাকিব গোলাঘাট প্ৰশাসনে ?