গোলাঘাটৰ দেওপাহাৰত আবদ্ধ হাতী পোৱালি উদ্ধাৰ

গোলাঘাট দেওপাহাৰৰ কাষৰ এটা খালত আবদ্ধ এটা বন্য হস্তীৰ পোৱালী ৷ নিশা খাদ্যৰ সন্ধানত জনাঞ্চললৈ ওলাই অহা হাতীৰ এটা বৃহৎ জাকৰ লগত থকা পোৱালীটো প্ৰায় 2 ঘণ্টা সময় ধৰি আবদ্ধ হৈ থাকে দেওপাহাৰৰ কাষৰ চাহ বাগিচাৰ মাজত থকা এটা খালত

গোলাঘাট, 31 মে': গোলাঘাট দেওপাহাৰৰ খালত আবদ্ধ এটি কণমানি হাতী পোৱালী। বহু পলমকৈ উপস্থিত উদ্ধাৰকাৰী দল। উদ্ধাৰকাৰী দলৰ ওপৰত ক্ষোভিত স্থানীয় ৰাইজ ৷ গোলাঘাট দেওপাহাৰৰ কাষৰ এটা খালত আবদ্ধ এটা বন্য হস্তীৰ পোৱালী ৷ নিশা খাদ্যৰ সন্ধানত জনাঞ্চললৈ ওলাই অহা হাতীৰ এটা বৃহৎ জাকৰ লগত থকা পোৱালীটো প্ৰায় 2 ঘণ্টা সময় ধৰি আবদ্ধ হৈ থাকে দেওপাহাৰৰ কাষৰ চাহ বাগিচাৰ মাজত থকা এটা খালত। হাতী পোৱালিটো প্ৰত্যক্ষ কৰাৰ পাচতে স্থানীয় ৰাইজে বহু চেষ্টা কৰি পোৱালিটো সুস্থ অৱস্থাত উদ্ধাৰ কৰে ৷ কিন্তু তাৰ বিপৰীতে হাতী পোৱালিটো খালত আবদ্ধ হৈ থকাৰ কথা নুমলীগড় বনবিভাগক অৱগত কৰাৰ পিছতো হাতী পোৱালীটো উদ্ধাৰৰ ক্ষেত্ৰত কোনো ধৰণৰ ব্যৱস্থা গ্ৰহণ নকৰাৰ অভিযোগ উত্থাপন কৰে স্থানীয় ৰাইজে। যাৰ বাবে স্থানীয় ৰাইজে কাজিৰঙাৰ পানবাৰীস্থিত বন্যপ্ৰাণী উদ্ধাৰ আৰু পুনঃসংস্থাপন কেন্দ্ৰত খবৰ দিয়াৰ পাচত ঘটনাস্থলীত উপস্থিত হয় উদ্ধাৰকাৰী দল। আনহাতে স্থানীয় ৰাইজে উদ্ধাৰকাৰী দলটোৰ সহায়ত মৰণত শৰণ দি সুস্থ অৱস্থাত হাতী পোৱালিটো দেওপাহাৰত অৱস্থান কৰি থকা পোৱালিটোৰ মাকক গতাই দিবলৈ চেষ্টা কৰে যদিও বিফল হয় ৷ যাৰ বাবে কাজিৰঙাৰ পানবাৰীস্থিত বন্যপ্ৰাণী উদ্ধাৰ আৰু পুনঃসংস্থাপন কেন্দ্ৰৰ লোকে ট্ৰেংকুলাইজ কৰি উদ্ধাৰ কৰি লৈ যায় হাতী পোৱালীটো ৷