বোকাখাত, 9 অক্টোবৰ : বাৰিষাৰ বান শেষ হোৱাৰ পিছতে ৰাজ্যবাসী সাজু হৈ উঠিছে শক্তিৰ অধিষ্ঠাত্ৰী দেৱী দুৰ্গাৰ বন্দনাৰ বাবে ৷ মাথো দুদিনৰ পিছতে ৰাজ্যৰ চৌদিশ মুখৰিত হ’ব দুৰ্গা বন্দনাৰে ৷ বোকাখাতৰ শ্ৰীশ্ৰীকাঁক গোঁসানী থানত চলিছে পূজা উদযাপনৰ যাৱতীয় প্ৰস্তুতি ৷ ল'ৰাৰজাৰ ভয়ত পলাই ফুৰা গদাপানীয়ে কাক বাঁহৰ চুঙাত লুকুৱাই অনা দুৰ্গাৰ প্ৰতিমা স্থাপন কৰাৰ পাছৰে পৰা ভক্তিপীঠলৈ পৰিণত হৈছিল বোকাখাতৰ কাক গোঁসানী চাতনি থান ৷
প্ৰায় 1700 শতিকাত গদাধৰ সিংহই প্ৰতিষ্ঠা কৰা কাক গোঁসানী থানৰ মহত্ব জনবিদিত ৷ অসমৰ অন্যতম শক্তিপীঠ হিচাপে পৰিচিত এই থানখনলৈ প্ৰতি বছৰে দুৰ্গা পূজাত আগমন ঘটে হাজাৰ হাজাৰ ভক্তৰ ৷ ভক্তসকলে মা দুৰ্গালৈ বলি হিচাপে আগবঢ়ায় ম’হ, ছাগলী, হাঁহ, পাৰ আদি ৷
পূজাক কেন্দ্ৰ কৰি উথপথপ ৰাজ্যৰ চৌদিশ