গোলাঘাট, 17 নৱেম্বৰ:গোলাঘাট জিলাৰ দেৰগাঁও আৰক্ষী থানাৰ অন্তৰ্গত ৰঙামাটিত দেওবাৰে সংঘটিত হয় ভয়ংকৰ পথ দুৰ্ঘটনা ৷ দুৰ্ঘটনাত আহত ছজনকৈ লোক ৷ প্ৰাপ্ত তথ্য মতে, বিয়লি ৰঙামাটি দানহ বাবা থানৰ পৰা AS 05J 7163নম্বৰৰ চুইফট ডিজায়াৰ বাহনখনেৰে বোকাখাট অভিমুখে যাত্ৰা কৰোতেই সংঘটিত হয় এই শোকাৱহ পথ দুৰ্ঘটনাটো ৷
গোলাঘাটত ভয়ংকৰ পথ দুৰ্ঘটনা
নিয়ন্ত্ৰণ হেৰুৱাই বাহনখনে 37নং ৰাষ্ট্ৰীয় ঘাইপথৰ কাষৰ ডিভাইদাৰত প্ৰচণ্ড জোৰে খুণ্ডা মাৰি পথৰ কাষত থকা দ' খাৱৈত সোমাই পৰে । ফলত গাড়ীখনত থকা ছজনকৈ যুৱক গুৰুতৰ ভাৱে আঘাতপ্ৰাপ্ত হৈ যদিও তাৰে চাৰি জনৰ অৱস্থা সংকটজনক ৷ ঘটনাস্থলীৰ পৰা দেৰগাঁও আৰক্ষীয়ে আটাইকেইজন আঘাতপ্ৰাপ্ত যুৱকক দেৰগাঁও চিকিৎসালয়লৈ নিয়ে যদিও পৰৱৰ্তী সময়ত উন্নত চিকিৎসাৰ বাবে যোৰহাট মেডিকেল কলেজলৈ প্ৰেৰণ কৰা হয় ।