দেৰগাঁৱত পথ নিৰ্মাণৰ নামত ব্যাপক দূৰ্নীতি

দেৰগাৱঁৰ ৰঙামাটি আৰু গেলাবিল সংযোগী পথেৰে চপৰা চপৰে খহিছে ব্লেক টপিং ৷ ঠিকাদাৰৰ কৃপাত নিৰ্মাণ হোৱা এই পথটোত খোজ দিলেই খহি পৰে ব্লেক টপিং ৷

দেৰগাঁও, 14 অক্টোবৰ: দেৰগাৱঁৰ ৰঙামাটি আৰু গেলাবিল সংযোগী এটা গুৰুত্বপূৰ্ণ পথ নিৰ্মাণত সংঘটিত হৈছে ব্যাপক দুৰ্নীতি । নিৰ্মাণৰ পিছতেই চপৰা - চপৰে এৰাই গৈছে পকী পথৰ ব্লেক টপিং । ৬০ লাখৰো অধিক ব্যয়ৰে নিৰ্মাণ হোৱা পথটোৰ নিৰ্মাণ কাৰ্যত ঠিকাদাৰে কৰা অবাধ দুৰ্নীতিয়ে অতিষ্ঠ কৰি তুলিছে ৰাইজক । কাৰণ পথটোৰে খোজ কাঢ়িলেই অনায়াসে এৰাই যায় পথটোৰ এই ব্লেক টপিং । কেৱল মাটিৰ ওপৰতে আলকাটাৰা লগাই দুৰ্নীতিগ্ৰস্ত ঠিকাদাৰে নিৰ্মাণ কৰিছে পকী পথটো । ইতিমধ্যে অতিষ্ঠ ৰাইজে এই দুৰ্নীতিত ক্ষোভিত হৈ বন্ধ কৰি দিছে পথ নিৰ্মাণৰ কাম । ৰাইজৰ দাবী বিভাগীয় কৰ্তৃপক্ষই অতি শীঘ্ৰে ব্যৱস্থা লওক পথ নিৰ্মাণ কৰা ঠিকাদাৰ থানু গগৈৰ বিৰুদ্ধে ।