গোলাঘাটৰ শালমৰা চাহ বাগিচাত উদ্ধাৰ হৰিণা পহু

বাগিচাখনৰ সহকাৰী পৰিচালক সবিন ৰক্ষিতে উদ্ধাৰ কৰে বিপদগ্ৰস্ত হৰিণাটোক

গোলাঘাট,5 নৱেম্বৰঃগোলাঘাট জিলাৰ শালমৰা চাহ বাগিচাত উদ্ধাৰ এটা হৰিণা পহু । সোমবাৰে নিশা বাগিচাখনৰ চাৰিসীমাত থকা কাঁটা তাঁৰত লাগি ধৰা হৰিণাটো উদ্ধাৰ কৰে বাগিচাখনৰ সহ পৰিচালকে ৷ সোমবাৰে বাগিচাখনৰ এজন শ্ৰমিকে হৰিণাটোৰ চিঞৰ শুনি সহ পৰিচালক জনক খবৰ দিয়ে আৰু দুয়ো পহুটো উদ্ধাৰ কৰি সহ পৰিচালকজনৰ বাসভৱনলৈ লৈ আহে । সহ পৰিচালক সবিন ৰক্ষিতে চিকিৎসকৰ জৰিয়তে হৰিণাটোক প্ৰাথমিক চিকিৎসা কৰাই নিশাটো ঘৰতে ৰাখি বন বিভাগক খবৰ দিয়ে । পৰৱৰ্তী সময়ত হৰিণা চাবলৈ বাগিচাখনত সমাগম ঘটে বহু লোকৰ ।

হৰিণাটো কোনো লোকৰ চিকাৰ হোৱাৰ আশংকাত অতি গোপনে উদ্ধাৰ কৰি সাংবাদিকক খবৰ দিয়াৰ পাছতহে বন বিভাগক খবৰ দিয়ে বাগিচাখনৰ সহ পৰিচালকগৰাকীয়ে ।