গোলাঘাটৰ হাবিগাঁৱত উদ্ধাৰ আঘাতপ্ৰাপ্ত হৰিণা পহু

গোলাঘাট জিলাৰ বকিয়াল বন সংমণ্ডলৰ অন্তৰ্গত হাবিগাঁৱত উদ্ধাৰ এটা আঘাতপ্ৰাপ্ত হৰিণা পহু । স্থানীয় লোকে উদ্ধাৰ কৰে আঘাতপ্ৰাপ্ত হৰিণটো ৷

গোলাঘাট,16 মে’: দেওবাৰে গোলাঘাট জিলাৰ বকিয়াল বন সংমণ্ডলৰ অন্তৰ্গত হাবিগাঁৱত উদ্ধাৰ কৰা হৈছে এটা আঘাতপ্ৰাপ্ত হৰিণা পহু । স্থানীয় লোকে উদ্ধাৰ কৰে আঘাতপ্ৰাপ্ত হৰিণটো ৷

জানিব পৰা মতে, গাঁওখনৰ উপেন ৰাজোৱাৰ নামৰ ব্যক্তি গৰাকীৰ বাঁহনিত হৰিণা পহুটো বিচৰণ কৰি আছিল । গাঁৱত হৰিণা ওলোৱাৰ কথা গম পাই অঞ্চলটোত বহু লোকৰ সমাগম হয় ।

পিছে অজস্ৰ লোকৰ সমাগম দেখি হৰিণা পোৱালীটো উক্ত স্থান এৰি পলাবলৈ চেষ্টা কৰে, যদিও কিছু প্ৰকৃতি প্ৰেমী ব্যক্তিৰ তৎপৰতাত উদ্ধাৰ কৰা হয় হৰিণাটো । ঘটনাস্থলীত বন বিভাগৰ লোক উপস্থিত হৈ নামবৰ বনাঞ্চলত মুকলি কৰি দিয়া হয় হৰিণাটো ।

লগতে পঢ়ক:মাজৰবাৰীত দমকলৰ পাইপত জ্বলিছে জুই