প্ৰসূতিৰ মৃত্যুক লৈ গোলাঘাটৰ অসামৰিক চিকিৎসালয়ত উত্তেজনা

গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত চিকিৎসক, নাৰ্চৰ গাফিলতিৰ বাবে প্ৰসূতিৰ মৃত্যুৰ অভিযোগ(Pregnant lady Death in Golaghat Civil Hospital) ৷ প্ৰসূতিগৰাকীৰ পেটত নাৰ্চে গচক মৰাৰো বিস্ফোৰক অভিযোগ প্ৰসূতিগৰাকীৰ আত্মীয়ৰ ।

গোলাঘাট, 20 মাৰ্চ :গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত(Golaghat Kushal Konwar Civil Hospital) শনিবাৰে নিশা এগৰাকী প্ৰসূতিক হত্যা কৰাৰ অভিযোগত উত্তেজনাময় পৰিস্থিতিৰ সৃষ্টি হয় ৷ প্ৰসূতিগৰাকীক সাধাৰণ প্ৰসৱৰ পৰিৱৰ্তে অস্ত্ৰোপচাৰৰ চেষ্টা চলাই চিকিৎসক আৰু নাৰ্চে মাতৃ আৰু নৱজাতকক হত্যা কৰাৰ অভিযোগ কৰিছে প্ৰসূতিগৰাকীৰ আত্মীয়ই ৷

শ্বহীদ কুশল কোঁৱৰ অসামৰিক চিকিৎসালয়ৰ প্ৰসূতি বিভাগত ১৭ মাৰ্চত গোলাঘাটৰ বৰপথাৰৰ দীঘলীপথাৰৰ হিৰামণি শ‌ইকীয়া নামৰ প্ৰসূতিগৰাকীক ভৰ্তি কৰা হয় ৷ প্ৰসূতিগৰাকীৰ শনিবাৰে আছিল প্ৰসৱৰ দিন । কিন্তু দিনৰ ১১ বজাতেই প্ৰসূতি কক্ষত ভৰ্তি কৰোৱা প্ৰসূতিগৰাকীক সন্ধিয়ালৈ সাধাৰণ প্ৰসৱৰ পৰা বিৰত ৰখাৰ অভিযোগ কৰিছে আত্মীয়ই ৷ প্ৰসূতিগৰাকীৰ পেটত নাৰ্চে গচক মৰাৰো বিস্ফোৰক অভিযোগ কৰিছে প্ৰসূতিগৰাকীৰ আত্মীয়ই ।

ইয়াৰ পাছতেই শেষত নিশা প্ৰসূতিগৰাকীৰ অকাল মৃত্যু ঘটাত দিকভ্ৰান্ত হয় তেওঁৰ আত্মীয় (Pregnant lady Death in Golaghat Civil Hospital)। ইয়াৰ পাছতেই চিকিৎসালয়খনৰ বিৰুদ্ধে এই গুৰুতৰ অভিযোগ উত্থাপন কৰি প্ৰসূতিগৰাকীৰ আত্মীয়‌ই । ইপিনে, অনেক কষ্টৰ পাছতো নিজ পত্নী বচাব নোৱাৰি শোকত ভাগি পৰিছে প্ৰসৃতিগৰাকীৰ স্বামী অতুল শ‌ইকীয়া ।

লগতে পঢ়ক :অদ্ভূত : ডিঙিত বৃশ্চিক ওলোমাই হোলী উদযাপন