গোলাঘাটত ১৮-৪৪ বছৰৰ সকলোকে ভেকচিন দিয়াৰ ব্যৱস্থা

গোলাঘাটত আজিৰে পৰা আৰম্ভ হৈছে ক'ভিড ভেকচিন প্ৰদানৰ প্ৰক্ৰিয়া ৷ ১৮ বছৰৰ পৰা ৪৪ বছৰৰ সকলো লোককে ভেকচিন দিয়াৰ ব্যৱস্থা কৰিছে জিলাখনৰ স্বাস্থ্য বিভাগে ৷

গোলাঘাট,7মে':গোলাঘাট জিলাত আজিৰে পৰা ১৮ বছৰৰ পৰা ৪৪ বছৰৰ সকলো লোককে প্ৰদান কৰা হৈছে ক'ভিড ভেকচিন ৷ স্বাস্থ্য বিভাগৰ উদ্যোগত গোলাঘাট নগৰৰ দুটাকৈ ভেকচিন কেন্দ্ৰত এই ভেকচিন প্ৰদান কৰা হৈছে । জিলাখনৰ স্পৰ্টছ কমপ্লেক্স আৰু সুভাষ কলনিস্থিত জালান সেৱা সদনত ভেকচিন প্ৰদানৰ ব্যৱস্থা কৰিছে স্বাস্থ্য বিভাগে ।

অনলাইন যোগে নামভৰ্তি কৰা লোক সকলক স্পৰ্টছ কমপ্লেক্স আৰু সুভাষ কলনিস্থিত জালান সেৱা সদনৰ দুয়োটা ভেকচিন কেন্দ্ৰতে ১৫০ গৰাকীকৈ মুঠ ৩০০ গৰাকী লোকক প্ৰদান কৰা হৈছে ভেকচিন । ইপিনে, পুৱাৰে পৰা ভেকচিন লবলৈ দুয়োটা কেন্দ্ৰতে ভীৰ কৰেহি অগণন লোকে ৷ অৱশ্যে ক'ভিড প্ৰটকলৰ মাজেৰে সকলোৱে গ্ৰহণ কৰে ক'ভিড ভেকচিন ৷

অন্য এক খবৰৰ বাবে: বজালী জিলাত 18 বছৰৰ উৰ্ধৰ ব্যক্তিক ভেকচিন প্ৰদান