ক’ভিড আক্ৰান্তৰ মৃত্যুক কেন্দ্ৰকৰি খুমটাইত উত্তপ্ত পৰিস্থিতি

খুমটাই চাহ বাগিচাত উত্তপ্ত পৰিস্থিতি। এগৰাকী মহিলা শ্ৰমিক ক’ৰণা সংক্ৰমিত হৈ মৃত্যু হোৱাৰ পিছতেই উত্তেজিত হৈ পৰিছে চাহ শ্ৰমিকসকল ।

গোলাঘাট,19মে’: দেশত ক’ৰণা মহামাৰীয়ে ভয়ংকৰ ৰূপ ধাৰণ কৰিছে ৷ দেশৰ বিভিন্ন প্ৰান্তৰৰ সমান্তৰালকৈ ৰাজ্যতো এতিয়া ক্ৰমাত ক’ভিড পৰিস্থিতি জটিলৰ পৰা জটিলটালৈ গতি কৰিছে ৷ তাৰ মাজেত গোলাঘাটৰ খুমটাই চাহ বাগিচাত সৃষ্টি হৈছে এক উত্তপ্ত পৰিস্থিতি ৷

ঘটনা অনসুৰি, খুমটাই চাহ বাগিচাৰ একাংশ ক্ষুদ্ধ শ্ৰমিকে বাগিচাৰ মুখ্য কাৰ্যালয় ঘেৰাও কৰি প্ৰতিবাদ কৰে । বাগিচা খনত কৰ্মৰত এগৰাকী মহিলা শ্ৰমিক ক’ভিড-19 পজিটিভত আক্ৰান্ত হৈ মৃত্যু হোৱাৰ পিছতেই বাগিচা কৰ্তৃপক্ষৰ বিৰুদ্ধে উত্তেজিত হৈ পৰে শ্ৰমিক সকল । শ্ৰমিক সকলৰ অভিযোগ অনুসৰি মহিলা গৰাকীয়ে উপযুক্ত চিকিৎসা নোপোৱাৰ ফলতে মৃত্যু হৈছে ৷

মনকৰিবলগীয়ে যে, বিগত ১৪ মে'ত মহিলা গৰাকীৰ শৰীৰত ধৰা পৰিছিল কভিড-19 ৰ অৱস্থিতি। তেতিয়াৰ পৰাই হোম আইছ’লেশ্যনত আছিল মহিলা গৰাকী ।

ইপিনে বুধবাৰে পুৱতি নিশা মহিলা গৰাকী উশাহ-নিশাহ লোৱাত অসুবিধা পাই মৃত্যু বৰণ কৰাৰ পিছতে বাগিচা কৰ্তৃপক্ষৰ লগতে চৰকাৰে বিৰুদ্ধে ক্ষোভ প্ৰকাশ কৰিছে বাগিচাৰ শ্ৰমিক সকলে ৷

লগতে পঢ়কঃ অসমলৈও আহিল "ব্লেক ফাংগাছ", প্ৰথমজন ৰোগীৰ মৃত্যু