গোলাঘাট, 21আগষ্টঃ দুৰ্নীতিমুক্ত চৰকাৰৰ শাসনৰ সময়তে সংঘটিত হৈছে দুৰ্নীতি ৷ লাখ টকাৰ দুৰ্নীতি নহয়, কেইবা কোটি টকাৰ দুৰ্নীতিৰ অভিযোগ উত্থাপন হৈছে ৷ এই দুৰ্নীতিৰ অভিযোগ উত্থাপন হৈছে গোলাঘাটৰ বেঙেনাখোৱা গাঁও পঞ্চায়তত ৷ অভিযোগ অনুসৰি পঞ্চায়তখনৰ প্ৰতিটো ৱাৰ্ডতে এনেৰেগা আঁচনিৰ নামত চলিছে লুণ্ঠন ৷ যাৰ পৰিপ্ৰেক্ষিতত বেঙেনাখোৱা পঞ্চায়তৰ সভাপতি, সচিব, কম্পিউটাৰ সহায়ক আৰু ৱাৰ্ড মেম্বাৰকে ধৰি মুঠ 24 গৰাকী লোকৰ বিৰুদ্ধে ৰুজু কৰা হৈছে গোচৰ ৷ জানিব পৰা মতে, পঞ্চায়ত খনত জবকাৰ্ড বিচাৰি আবেদন জনোৱা প্ৰকাশ প্ৰতীম বৰা নামৰ ব্যক্তিগৰাকীৰ বেংকৰ একাউণ্টত জবকাৰ্ডৰ কোনো কাম নকৰাকৈয়ে সোমাইছিল 2100 টকা ৷ ইয়াৰ পিছতেই ব্যক্তিগৰাকীয়ে পঞ্চায়তৰ ৱেব চাইটত এই সন্দৰ্ভত অধিক তথ্য যুগুত কৰে আৰু পোহৰলৈ আহে দুৰ্নীতিৰ ভয়ংকৰ তথ্য ৷ পঞ্চায়ত কৰ্মীৰ আত্মীয়ৰ নামত থকা জবকাৰ্ডত কাম নকৰাকৈয়ে ধন লাভ কৰাৰ বিপৰীতে, জবকাৰ্ডৰ কাম কৰিও একাংশই লাভ কৰা নাই ধন।
বেঙেনাখোৱা গাঁও পঞ্চায়তত এনেৰেগা আঁচনিৰ নামত ব্যাপক দুৰ্নীতিৰ অভিযোগ
পঞ্চায়ত খনত জবকাৰ্ড বিচাৰি আবেদন জনোৱা প্ৰকাশ প্ৰতীম বৰা নামৰ ব্যক্তিগৰাকীৰ বেংকৰ একাউণ্টত জবকাৰ্ডৰ কোনো কাম নকৰাকৈয়ে সোমাইছিল 2100 টকা ৷ ইয়াৰ পিছতেই ব্যক্তিগৰাকীয়ে পঞ্চায়তৰ ৱেব চাইটত এই সন্দৰ্ভত অধিক তথ্য যুগুত কৰে আৰু পোহৰলৈ আহে দুৰ্নীতিৰ ভয়ংকৰ তথ্য ৷ পঞ্চায়ত কৰ্মীৰ আত্মীয়ৰ নামত থকা জবকাৰ্ডত কাম নকৰাকৈয়ে ধন লাভ কৰাৰ বিপৰীতে জবকাৰ্ডৰ কাম কৰিও একাংশই লাভ কৰা নাই ধন।
বেঙেনাখোৱা গাঁও পঞ্চায়তত এনেৰেগা আঁচনিৰ নামত ব্যাপক দুৰ্নীতি
বেঙেনাখোৱা গাঁও পঞ্চায়তত এনেৰেগা আঁচনিৰ নামত ব্যাপক দুৰ্নীতি
ইপিনে,গোলাঘাটৰ বিধায়িকা অজন্তা নেওগৰ বিৰুদ্ধেও একাংশই অভিযোগ উত্থাপন হৈছে ৷ বিধায়িকা গৰাকীৰ আশীষপুষ্ট বাবেই পঞ্চায়ত খনৰ বিষয়া-কৰ্মচাৰীয়ে এইদৰে লুণ্ঠনৰাজ চলায় অহাৰ অভিযোগ কৰে ৷ উল্লেখযোগ্য যে,দুৰ্নীতিৰ অভিযোগত ইতিমধ্যে পঞ্চায়ত খনৰ সচিব আৰু কম্পিউটাৰ সহায়কক গ্ৰেপ্তাৰ কৰা হৈছে ৷ ইয়াৰ উপৰি বাকী 22 গৰাকীকৈ লোকে বৰ্তমানে জামিন বিচাৰি কাষ চাপিছে আদালতৰ ৷ উল্লেখযোগ্য যে, পঞ্চায়ত খনৰ দুগৰাকী বিজেপিৰ ৱাৰ্ড মেম্বাৰো এই দুৰ্নীতিত লিপ্ত থকাৰ অভিযোগ উত্থাপন হৈছে ৷ আনহাতে,আজি সংবাদ সংগ্ৰহ কৰিবলৈ যোৱা সাংবাদিকক দেখি পঞ্চায়তৰ কাৰ্যালয়ৰ পৰা পলায়ন কৰে দুৰ্নীতিগ্ৰস্ত বিষয়া-কৰ্মচাৰীয়ে।
বেঙেনাখোৱা গাঁও পঞ্চায়তত এনেৰেগা আঁচনিৰ নামত ব্যাপক দুৰ্নীতি