গাঁও পঞ্চায়তৰ সভাপতিৰ বিৰুদ্ধে অনিয়মৰ অভিযোগ

গোলাঘাটৰ পূৱ বৰপথাৰ গাঁও পঞ্চায়তৰ সভাপতি দেৱানন্দ শইকীয়াৰ বিৰুদ্ধে উত্থাপিত হৈছে অনিয়মৰ অভিযোগ ৷ সভাপতি দেৱানন্দ শইকীয়াৰ বিৰুদ্ধে অনাস্থা আনিছে নিজ দলৰ সতীৰ্থই ৷

সৰুপথাৰ, 4 জুনঃ গোলাঘাটৰ দক্ষিণ উন্নয়ন খণ্ডৰ অধীনৰ একাংশ পঞ্চায়তত যোৱা কিছুদিন ধৰি অনিয়ম সংঘটিত হোৱাৰ অভিযোগ উত্থাপিত হৈ আহিছে অনিয়মৰ অভিযোগ ৷ ইয়াৰে পূৱ বৰপথাৰ গাঁও পঞ্চায়তৰ সভাপতি দেৱানন্দ শইকীয়াৰ বিৰুদ্ধে অনাস্থা আনিছে নিজ দলৰ সতীৰ্থই ৷ 8 জন ৱাৰ্ড সদস্যই স্বাক্ষৰ কৰা এখন পত্ৰ পঞ্চায়তটোৰ সচিবৰ হাতত অৰ্পন কৰে ৷

পঞ্চায়ত কাৰ্যালয়টোত উপস্থিত থকা সচিব জাকিৰ হুছেইনেও ৱাৰ্ড সদস্যসকলৰ বিভিন্ন প্ৰশ্নৰ সন্মুখীন হ'ব লগা হয় ৷ যাৰ বাবে সেই স্থানত এক উত্তপ্ত পৰিস্থিতিৰ সৃষ্টি হয় ৷ একাংশ ৱাৰ্ড সদস্যৰ অভিযোগ অনুসৰি, পঞ্চায়তটোৰ সভাপতি আৰু সচিবে মিলি সকলো কাম কৰি চৰকাৰী ধন লুণ্ঠনত নামি পৰিছে ৷

লগতে পঢ়কঃকলগাছিয়াৰ ধৰ্মপুৰত ঋণ মাফৰ দাবীৰে মহিলাৰ বিক্ষোভ