মাত্ৰ 60 শতাংশ উৎপাদনৰে চলি আছে নুমলীগড় তেল শোধনাগাৰ

কৰ'ণা মহামাৰীৰ বাবে NRL ত বিৰূপ প্ৰভাৱ ৷ 60 শতাংশ উৎপাদনৰে চলি আছে NRL ৰ উৎপাদন ক্ষমতা ৷ আনহাতে, তেল বিক্ৰীৰ অভাৱত বৃহৎ লোকচানৰ সন্মুখীন NRL কৰ্তৃপক্ষ ৷

গোলাঘাট, 2 ছেপ্তেম্বৰ :ক'ভিড-19 ৰ বাবে অবনমিত হৈছে দেশৰ অৰ্থনীতি ৷ স্বাস্থ্য, শিক্ষা, কৃষি আদি সকলো ক্ষেত্ৰত নেতিবাচক প্ৰভাৱ পৰাৰ বাবে দেশৰ মুঠ ঘৰুৱা উৎপাদনতো বিৰূপ প্ৰভাৱ পৰা পৰিলক্ষিত হৈছে ৷

কৰ'ণা মহামাৰীৰ বাবে মুঠ ঘৰুৱা উৎপাদনৰ লগতে এন আৰ এলতো বিৰূপ প্ৰভাৱ পৰা পৰিলক্ষিত হৈছে ৷ তথ্য অনুসৰি, মাত্ৰ 60 শতাংশ উৎপাদনৰে এন আৰ এল চলি থকা বুলি জানিব পৰা গৈছে ৷

আনহাতে, সোমবাৰৰ পৰা এন আৰ এলৰ অন্যতম মূল চালিকা শক্তি হাইড্ৰ ক্ৰেকাৰ ,হাইড্ৰজেন ইউনিট আৰু ডি এইচ ডি টি বন্ধ হৈ আছে ৷ যাৰ ফলত বৃহৎ ক্ষতিৰ সন্মুখীন হৈছে নুমলীগড় শোধনাগাৰ ৷ লগতে, শোধিত তৈল সামগ্ৰীৰ বিক্ৰী কম হোৱাৰ বাবে 60 শতাংশ উৎপাদনৰ কামেৰে চলি আছে শোধনাগাৰটোৰ কামকাজ ।

লগতে পঢ়ক : বান ক্ষতিগ্ৰস্তলৈ সাহাৰ্যৰ হাত সেৱা ভাৰতৰ