বোকাখাতত পেৰা আৰু পুৰিৰ সোৱাদ ল'লে মুখ্যমন্ত্ৰীয়ে

বোকাখাতৰ হোটেলত কলপাতত পুৰি ভাজিৰ সোৱাদ লয় মুখ্যমন্ত্ৰীৰ লগতে বিধায়িকা আঙুৰলতা ডেকাই ৷ মুখ্যমন্ত্ৰী গৰাকীয়ে আগন্তুক শাৰদীয় দুর্গা পূজা উপলক্ষে সমগ্ৰ অসমবাসীলৈ আন্তৰিক শুভেচ্ছা জ্ঞপন কৰে ।

গোলাঘাট,1অক্টোবৰঃ বোকাখাতৰ গজৰাজ হোটেলত বিধায়িকা আঙুৰলতা ডেকাৰ সৈতে পুৰি ভাজিৰ সোৱাদ ল'লে মুখ্যমন্ত্ৰী সৰ্বানন্দ সোণোৱালে ৷ বোকাখাতৰ গজৰাজ হোটেলত কলপাতত পুৰি ভাজিৰ সোৱাদ লৈ ছাত্ৰ জীৱনৰ স্মৃতি ৰোমন্থন কৰে মুখ্যমন্ত্ৰী গৰাকীয়ে । সদৌ অসম ছাত্ৰ সন্থাৰ লগত জড়িত থকাৰ সময়ৰে পৰা বোকাখাতৰ গজৰাজ হোটেলত কলপাতত পুৰি ভাজি খাই অহা বুলি সাংবাদিকৰ আগত মন্তব্য কৰে মুখ্যমন্ত্ৰীগৰাকীয়ে । লগতে মুখ্যমন্ত্ৰী গৰাকীয়ে আগন্তুক শাৰদীয় দুর্গা পূজা উপলক্ষে সমগ্ৰ অসমবাসীলৈ আন্তৰিক শুভেচ্ছা জ্ঞপন কৰে ।