ধেমাজি,১০ ডিচেম্বৰ: ধেমাজিত নিশা কেবৰ বিৰুদ্ধে স্বতঃস্ফূৰ্তভাৱে ওলাই আহিল সহস্ৰাধিক জনতা ৷ ম'বাইলৰ পোহৰত জ্বিলিকিল ধেমাজিৰ ৰাজপথ ৷ বুধবাৰে পুৱাৰে পৰা ধেমাজি উত্তপ্ত হৈ পৰা বন্ধৰ বাবে স্বাভাৱিক জীৱন অচল কৰি দিয়াৰ পিছত নিশা শ্বহীদ বেদীত আহি সমবেত হয় সহস্ৰাধিক প্ৰতিবাদী জনতা ৷ আৰু তাত সংকল্প লয় দল-সংগঠন আৰু ৰাইজে ৷ সাংসদ বিধায়কক যিকোনো স্থানত চেণ্ডেলৰ মালা পিন্ধাবৰ বাবে আহ্বান প্ৰতিবাদকাৰীৰ ৷ লক্ষ্যনীয় যে হাতে হাতে জোঁৰ লোৱাৰ বিপৰীতে হাতে হাতে মোবাইলৰ টৰ্চ জ্বলাই নিশা পোহৰাই তোলে ধেমাজি নগৰৰ ৰাজপথ ৷
ধেমাজিত নিশা কেবৰ বিৰুদ্ধে স্বতঃস্ফূৰ্তভাৱে ওলাই আহিল সহস্ৰাধিক জনতা জনিয়া: জনিয়া সমষ্টিৰ কাদংত কেবৰ বিৰুদ্ধে চি পি আই এমৰ জোঁৰ সমদল । এই সমদলত প্ৰতিবাদকাৰীসকলে হিমন্ত বিশ্ব মুৰ্দাবাদ, অমিত শ্বাহ মুৰ্দাবাদ, কেব আমি নামানো, জাতিধ্বংসী কেব বাতিল কৰক আদি শ্ল'গানেৰে উত্তাল কৰি তোলে সমগ্ৰ পৰিৱেশ । লগতে স্থানীয় ৰাইজে স্বতঃস্ফূৰ্তভাৱে ওলাই আহি ৰাজপথত টায়াৰ জ্বলাই কেব বাতিলৰ দাবীত উত্তাল প্ৰতিবাদ সাব্যস্ত কৰে ।
জনিয়া সমষ্টিৰ কাদংত কেবৰ বিৰুদ্ধে চি পি আই এমৰ জোঁৰ সমদল শিৱসাগৰ: শিৱসাগৰত কৰ্তব্যৰত সাংবাদিকক আৰক্ষীৰ আক্ৰমণ । কেব বিৰোধী নেতা শৃংখল চলিহাক শিৱসাগৰ আৰক্ষীৰ গৌৰীসাগৰ থানাই আটক কৰাৰ পাছত সৃষ্টি হোৱা পৰিস্থিতিৰ বাতৰি সংগ্ৰহৰ বাবে যোৱাৰ সময়ত আৰক্ষীয়ে ভিৰ নিয়ন্ত্ৰণৰ বাবে কৰা লাঠিচালনাত দুই সংবাদকৰ্মী আঘাতপ্ৰাপ্ত হয় । সাংবাদিক শশাংক গগৈ আৰু আচিফ আলিয়ে আৰক্ষীৰ কোব খাব লগা হোৱাত এতিয়া পৰিস্থিতি উত্তপ্ত হৈ পৰেছে । শিৱসাগৰ সদৰ থানাৰ সন্মুখত আৰক্ষীৰ বিৰুদ্ধে প্ৰতিবাদ সাব্যস্ত হোৱাৰ লগতে শিৱসাগৰ ই-মিডিয়া সংস্থাই শিৱসাগৰ সদৰ থানাত এক এজাহাৰ দাখিল কৰিছে ।
শিৱসাগৰত কৰ্তব্যৰত সাংবাদিকক আৰক্ষীৰ আক্ৰমণ বিলাসীপাৰা: বিলাসীপাৰাত মঙলবাৰে সন্ধিয়া আমছু, কৃষক মুক্তি ছাত্ৰ মুক্তি সংগ্ৰাম সমিতি তথা ৰাইজৰ সহযোগত আৰু অন্যান্য সংগঠনৰ উদ্যোগত কেবৰ বিৰুদ্ধে তীব্ৰ প্ৰতিবাদ সাব্যস্ত কৰে । বিলাসীপাৰাৰ আই বি বাংলাৰ পৰা হাতে হাতে জুই লৈ চহৰখনত সাব্যস্ত কৰে এই প্ৰতিবাদ । উক্ত প্ৰতিবাদী সমদলত প্ৰায় পাঁচ শতাধিক ৰাইজে অংশগ্ৰহণ কৰে ।
বিলাসীপাৰাত কেবৰ বিৰুদ্ধে বৃহৎ প্ৰতিবাদ গোলাঘাট: গোলাঘাটতো কেবৰ বিৰুদ্ধে বৃহৎ প্ৰতিবাদ । নাগৰিকত্ব সংশোধনী বিধেয়কৰ বিৰুদ্ধে মঙলবাৰে পুৱাৰে পৰা গোলাঘাটত বিভিন্ন দল সংগঠনে প্ৰতিবাদী কাৰ্যসূচী ৰূপায়ন কৰে । পুৱা ৰাজপথত টায়াৰ জ্বলোৱাৰ পৰা ৰে’ল অৱৰোধ কৰালৈকে চৌদিশ প্ৰতিবাদত উত্তাল হৈ পৰে । বিয়লি গোলাঘাট নগৰৰ মাজমজিয়াত প্ৰতিবাদ সাব্যস্ত কৰে সদৌ অসম ছাত্ৰ সন্থা আৰু উত্তৰ পূৰ্বাঞ্চলীয় সাংস্কৃতিক গোষ্ঠীয়ে ।
গোলাঘাটতো কেবৰ বিৰুদ্ধে বৃহৎ প্ৰতিবাদ ইফালে গোলাঘাটৰ দৈগ্ৰোঙত আৰক্ষীৰ লাঠী চালনা । কেবৰ বিৰুদ্ধে প্ৰতিবাদ নিয়ন্ত্ৰণ কৰিব নোৱাৰা নুমলীগড় আৰক্ষী চকীৰ আৰক্ষীয়ে লাঠী চালনা কৰিলে প্ৰতিবাদকাৰীৰ ওপৰত । সাংবাদিক আৰু নিৰীহ জনতাৰ ওপৰত কৰা লাঠী চালনাৰ ঘটনাৰ বিৰুদ্ধে তীব্ৰ সমালোচনা কৰিছে বহু কেইটা দল সংগঠনে । গোলাঘাটৰ দৈগ্ৰোঙত আৰক্ষীৰ লাঠী চালনা মাৰ্ঘেৰিটা:মাৰ্ঘেৰিটা বিজেপিৰ জেষ্ঠ নেতা কৃষ্ণ কুমাৰ শইকীয়াৰ বাসগৃহলৈ গেলা কণী নিক্ষেপ মাৰ্ঘেৰিটা আছুৰ । কেবৰ সমৰ্থনত ফেচবুকত বিভিন্ন মন্তব্য দিয়াৰ অভিযোগত এই পদক্ষেপ গ্ৰহণ কৰে আছু কৰ্মীয়ে । মাৰ্ঘেৰিটা বিজেপিৰ জেষ্ঠ নেতা কৃষ্ণ কুমাৰ শইকীয়াৰ বাসগৃহলৈ গেলা কণী নিক্ষেপ আৰু পঢ়কঃ অসমৰ প্ৰান্তে প্ৰান্তে শিল্পী সমাজৰ তীব্ৰ প্ৰতিবাদ
