জুবিনৰ 'কাঞ্চনজংঘা'ৰ বিৰুদ্ধে গোচৰ সচেতন ব্ৰাক্ষ্মণ সমাজৰ

মুক্তিৰ বাবে অপেক্ষাৰত কাঞ্চনজংঘাৰ নামৰ ছবিখনত সন্নৱিষ্ট থকা ব্ৰাহ্মণৰ লগুণ চিঙা দৃশ্য কৰ্তন কৰিবলৈ দাবী গোলাঘাট জিলা ব্ৰাক্ষ্মণ সমাজৰ ৷

গোলাঘাট, 17 আগষ্টঃহাৰ্টথ্ৰৱ জুবিন গাৰ্গৰ কাঞ্চনজংঘাৰ বিৰুদ্ধে এইবাৰ সচেতন গোলাঘাটৰ ব্ৰাহ্মণ সমাজ । মুক্তিৰ বাবে অপেক্ষাৰত কাঞ্চনজংঘাৰ নামৰ ছবিখনত সমগ্ৰ ব্ৰাহ্মণ সমাজক আঘাট কৰি ব্ৰাহ্মণৰ লগুণ চিঙা দৃশ্য কৰ্তন কৰিবলৈ দাবী সচেতন ব্ৰাক্ষ্মণ সমাজৰ ৷ যাৰ বাবে দৃশ্য কৰ্তনৰ দাবীত শনিবাৰে গোলাঘাট জিলা উপায়ুক্তৰ জৰিয়তে ৰাজ্যপাললৈ স্মাৰকপত্ৰ প্ৰেৰণ কৰে সচেতন ব্ৰাহ্মণ সমাজে । লগতে ব্ৰাহ্মণৰ পৱিত্ৰ লগুণ চিঙা দৃশ্য সম্বলিত চিনেমা খনৰ প্ৰমোচনো গোলাঘাটত নকৰিবলৈ আহ্বান ব্ৰাহ্মণ সমাজৰ । অন্যথা কাঞ্চনজংঘাৰ বিৰুদ্ধে দিছপুৰ কপাব বুলি হুংকাৰ প্ৰদান কৰে ব্ৰাহ্মণ সমাজে ।