সৰুপথাৰ, 30 ডিচেম্বৰ : ঠেঙাল-কছাৰী স্বায়ত্ব পৰিষদৰ নিৰ্বাচন সমাগত (Thengal Kachari autonomous council election)৷ শাসক দল বিজেপিৰ তৎপৰতা বৃদ্ধি পাইছে নিৰ্বাচনকলৈ ৷ পৰিষদ খনৰ 22 টা সমষ্টিৰ ভিতৰত সৰুপথাৰ বিধান সভা সমষ্টিৰ অন্তৰ্গত ধনশিৰি মহকুমাটো আছে গেলাবিল নামেৰে এটা ঠেঙাল-কছাৰী স্বায়ত্ব শাসিত পৰিষদীয় সমষ্টি ৷ 3,141 জন ভোটাৰ থকা সমষ্টিটোত শাসকীয় বিজেপি দলে টিকট প্ৰদান কৰিছে পৰিষদ খনৰ পূৰ্বৰ নিৰ্বাচিত সদস্যা মৃনালী হাজৰিকাক ।
সমষ্টিটোত এই পৰিষদীয় নিৰ্বাচনৰ বাবে শাসকীয় বিজেপি দলত দেখা গৈছে ব্যাপক তৎপৰতা(BJP gear up for autonomous council election) ৷ দলীয় প্ৰাৰ্থী গৰাকীক জয়ী কৰাই আনিবৰ বাবে বুধবাৰৰ নিশা বৰপথাৰ আই বিত মিত্ৰ দল অগপ আৰু বিজেপিৰ দলীয় কৰ্মী সকলৰ মাজত অনুষ্ঠিত হয় এখন বিশেষ সভা ৷ যোৰহাটৰ সাংসদ কামাখ্যা প্ৰসাদ তাচা আৰু সৰুপথাৰৰ বিধায়ক বিশ্বজিৎ ফুকনৰ উপস্থিতিত উক্ত সভাখনত নিৰ্বাচনী ৰণ নীতি তৈয়াৰ কৰা হয় ৷