সৰুপথাৰ, 6 জুন : টেঙানী অঞ্চলৰ ১ নং কেকুৰি গাঁৱত শনিবাৰে নিশা বৰপথাৰ থানাৰ সভাপতি, বৰপথাৰ থানাৰ ভাৰপ্ৰাপ্ত আৰক্ষী বিষয়া, টেঙানীৰ গাঁওবুঢ়া আৰু গাঁওৰক্ষী বাহিনীৰ যৌথ অভিযানত এক নং কেকুৰী আৰু দুই নং কেকুৰী গাঁৱৰ পৰা প্ৰায় ২০০০ লিটাৰ অবৈধ চুলাই জব্দ কৰা হয় ।
লগতে চুলাই প্ৰস্তুত কৰিবলৈ ব্যৱহাৰ কৰা সকলো সামগ্ৰী আৰক্ষীয়ে ধ্বংস কৰে । উক্ত চুলাই প্ৰস্তুত কৰা এজন ব্যক্তিক আৰক্ষীয়ে আটক কৰে যদিও আন কেইবাজনো লোকে সেই স্থান এৰি পলায়ন কৰে । বিশেষকৈ মদ প্ৰস্তুত কৰা ব্যক্তি দুজনৰ নাম শান্তি তাচা আৰু লাচিত পেগু বুলি জানিব পৰা গৈছে ।