গোলাঘাটত চোকা অস্ত্ৰৰে আক্ৰমণ যুৱকক
ব্যৱসায়ীৰ পৰা পাব লগা প্ৰায় 55 হাজাৰ টকা লৈ মাধুৰ্য্য ঘূৰি আহি গোলাঘাট নগৰৰ বেঙেনাখোৱা গজাল ফেক্টৰীটোৰ ওচৰ পাওতেই ব্যৱসায়ী জগত নাথ আৰু তেওঁৰ দুই পুত্ৰ ৰাজেন নাথ,ঋতুপৰ্ণ নাথ আৰু দোকানৰ এটা চেলছমেনে আগচি ধৰি চোকা অস্ত্ৰৰে আঘাত কৰে বুলি অভিযোগ উত্থাপন কৰে
গোলাঘাট,30 আগষ্টঃ গোলাঘাটত দুৰ্বৃত্তৰ আক্ৰমণ যুৱকক ৷ কোনোমতে প্ৰাণ ৰক্ষা গোলাঘাটৰ কছাৰীহাট চিনাতলীৰ মাধুৰ্য বৰদলৈ নামৰ যুৱকজনৰ ৷ দুৰ্বৃত্তই চোকা অস্ত্ৰৰে আঘাত মূৰত আঘাট কৰে যুৱকজনক ৷ বৰ্তমান গোলাঘাট ছহিদ কুশল কোঁৱৰ অসামৰিক চিকিৎসালয়ত চিকিৎসাধীন মাধুৰ্য বৰদলৈ ৷ উল্লেখ্য যে,পি আই ইণ্ডাষ্ট্ৰিজ নামৰ এটা এগ্ৰ' কোম্পানীত চাকৰি কৰা মাধুৰ্যক বাকী থকা ধন নিবলৈ মাতিছিল গোলাঘাট তেতেলীতলৰ J N Enterprise নামৰ সাৰৰ দোকানৰ গৰাকী জগত নাথে । জগত নাথে P I Industries ক ৰাসায়নিক সাৰ আৰু কীটনাশকৰ বাবদ 2017ৰ পৰা দিবলৈ আছে দুই লাখ 65 হাজাৰ টকা। তাৰে 65 হাজাৰ টকাৰ চেক নিবলৈ মাতি আনিছিল মাধুৰ্যক । মাধুৰ্য বৰদলৈ দোকান খনত উপস্থিত হোৱাৰ লগে লগে দিব লগা ধন দিব নোৱাৰা বুলি কলে জগত নাথে । তাকে লৈ দুই পক্ষৰ মাজত চলিছিল তৰ্কযুদ্ধ। তাৰ পাচতে ব্যৱসায়ীৰ পৰা পাব লগা প্ৰায় 55 হাজাৰ টকা লৈ মাধুৰ্য ঘূৰি আহি গোলাঘাট নগৰৰ বেঙেনাখোৱা গজাল ফেক্টৰীটোৰ ওচৰ পাওতেই ব্যৱসায়ী জগত নাথ আৰু তেওঁৰ দুই পুত্ৰ ৰাজেন নাথ,ঋতুপৰ্ণ নাথ আৰু দোকানৰ এটা চেলছমেনে আগচি ধৰি চোকা অস্ত্ৰৰে আঘাত কৰে বুলি অভিযোগ উত্থাপন কৰে। আনহাতে,ঘটনা সন্দৰ্ভত ভুক্তভোগী মাধুৰ্য বৰদলৈয়ে গোলাঘাট আৰক্ষী থানাত গোচৰ ৰুজু কৰিছে বুলি জানিবলৈ দিয়ে ৷