কেনে আছে গৌৰৱ গগৈৰ আদৰ্শ গাঁও ?

সৰুপথাৰ বিধানসভা সমষ্টিৰ অন্তৰ্গত ২ নং গন্ধকৰৈ গাঁওখনক আদৰ্শ গাঁও হিচাপে স্থাপন কৰাৰ কথা ঘোষণা কৰিছিল সাংসদ গৌৰৱ গগৈয়ে | কিন্তু ঘোষণা কৰিয়েই দায়িত্ব সামৰিলে সাংসদগৰাকীয়ে ৷

কলিয়াবৰ, 25 মাৰ্চঃ কলিয়াবৰ লোকসভা সমষ্টিৰ অন্তৰ্গত আৰু সৰুপথাৰ বিধানসভা সমষ্টিৰ অন্তৰ্গত ২ নং গন্ধকৰৈ গাঁওখনক আদৰ্শ গাঁও হিচাপে স্থাপন কৰাৰ কথা ঘোষণা কৰিছিল সাংসদ গৌৰৱ গগৈয়ে |

কিন্তু ৰ্গাঁওখন কেৱল আদৰ্শ গাঁও হিচাপেহে স্বীকৃতি লাভ কৰাৰ বিপৰীতে নেদেখিলে উন্নয়নৰ মুখ ৷ স্থানীয় ৰাইজৰ অভিযোগ অনুসৰি কোনো উন্নয়নমূলক কাম কৰিবলৈ সক্ষম নহ'ল বৰ্তমানৰ কলিয়াবৰ লোকসভা সমষ্টিৰ সাংসদ গৌৰৱ গগৈয়ে | উল্লেখ্য যে বাট পথ নথকা, বিদ্যুৎ, শিক্ষা,স্বাস্থ্য, বিশুদ্ধ খোৱা পানীৰ বৰ্তমানো কোনো ব্যৱস্থা নকৰাৰ ফলত এইবাৰ ৰাইজে ভোট বৰ্জন কৰাৰ হুংকাৰ দিছে ৷