গোলাঘাট,8 আগষ্টঃ গোলাঘাটৰ 39 নং ৰাষ্ট্ৰীয় ঘাই পথত গজৰাজৰ সমদল। নিশা হ'লেই গঞাৰ নিদ্ৰা হৰণ কৰে বন্যহস্তীৰ দলে ৷ প্ৰায় 70 -80টা হাতীৰ এটা জাকে গোলাঘাট দেওপাহাৰৰ মাজেৰে যোৱা 39 নং ৰাষ্ট্ৰীয় ঘাইপথেদি পাৰ হৈ দেওপাহাৰত প্ৰৱেশ কৰিছে ৷ এই হাতীৰ বৃহৎ জাকটোত কেবাটাও পোৱালীও আছে ৷ ইফালে নুমলীগড়ৰ সমীপৰ বকিয়াল চাহ বাগিচাৰ কাষত অৱস্থান কৰি থকা পোৱালিসহ বৃহৎ হাতীৰ জাকটোৱে নিশা হ'লেই কাষৰ গাওঁ সমূহত প্ৰৱেশ কৰি তাণ্ডৱৰ সৃষ্টি কৰে।
গোলাঘাটত বন্যহস্তীৰ তাণ্ডৱ