বোকাখাত, 20 ছেপ্টেম্বৰ :বোকাখাতত গঁড়ৰ খৰ্গ দাহৰ প্ৰস্তুতি তুংগত । অসমৰ ৭ টা জ’নৰ কোষাগাৰত সংৰক্ষণ কৰি ৰখা মুঠ 2,623 টা গঁড়ৰ খৰ্গৰ ভিতৰৰ 2,479 টা খৰ্গ আৰক্ষীৰ নিৰাপত্তা বেষ্টনীৰ মাজেৰে বোকাখাত মহকুমা কোষাগাৰত ইতিমধ্যে মজুত কৰা হৈছে । নগাওঁ, মৰিগাওঁ, গোলাঘাট, বোকাখাত, কাজিৰঙা, বিশ্বনাথ,আদিৰ পৰা গঁড়ৰ খৰ্গ সমূহ নি মজুত কৰি ৰাখা হৈছে বোকাখাতত ।
২২ চেপ্তেম্বৰত অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ উপস্থিতিত 2,479 টা খৰ্গ দহন কৰিবলৈ সাজু হৈছে বন বিভাগ ৷ ইয়াৰে বিভিন্ন আকাৰৰ 94 টা খৰ্গ পুনৰ সংৰক্ষণ কৰি ৰখাৰ লগতে 50 টা খৰ্গ আদালতৰ বিচাৰধীন হৈ থকাৰ বাবে মজুত ৰাখিছে বন বিভাগে। ইয়াৰে 2,479 টা খৰ্গ দাহনৰ বাবে বোকাখাত ৰাজহুৱা খেল পথাৰত যুদ্ধকালীন তৎপৰতাৰে কাজিৰঙা উদ্যান কৰ্তৃপক্ষৰ সহযোগত বন বিভাগে বিশাল আয়োজন চলাইছে ।
22 ছেপ্টেম্বৰত মুখ্যমন্ত্ৰীৰ উপস্থিতিত দাহ কৰা হ’ব 2479 টা গঁড়ৰ খৰ্গ