দেৰগাঁৱত প্ৰধান শিক্ষকৰ উদ্ভণ্ডালি

দেৰগাঁও থানাৰ অন্তৰ্গত টকিৰাই চাপৰিত খ্ৰীষ্টান মিচনেৰিৰ দ্বাৰা পৰিচালিত CSI নামৰ ব্যক্তিগত খণ্ডৰ বিদ্যালয়ৰ প্ৰধান শিক্ষকৰ চৰম উদ্ভণ্ডালি ৷ নিশা হোষ্টেলত সোমাই চাৰিগৰাকী ছাত্ৰক গুৰুতৰ ভাৱে মৰিয়াই আহত কৰে জেমচ দলেয়ে নামৰ প্ৰধান শিক্ষকজনে । ছাত্ৰক মাৰপিট কৰা কাৰ্যক বাধা প্ৰদান কৰাত শিক্ষয়িত্ৰী মিনা চাজিবকো গুৰুতৰ ভাৱে প্ৰহাৰ কৰে প্ৰধান শিক্ষকজনে ৷ পিচত আৰক্ষীক খবৰ দিয়াত নিশা দেৰগাঁও আৰক্ষী থানাৰ ভাৰপ্ৰাপ্ত আৰক্ষী বিষয়াই আহত আটাইকেইজনক চিকিৎসালয়লৈ প্ৰেৰণ কৰে ৷ উক্ত ঘটনা সন্দৰ্ভত শুকুৰবাৰে দেৰগাঁও আৰক্ষী থানাত এটি গোচৰ ৰুজু কৰিছে শিক্ষয়ত্ৰী মিনা চাজিবে ৷ শিক্ষাৰ অধিকাৰ আইনক ভৰিৰে মোহাৰি শিক্ষয়ত্ৰীৰ গাত হাত দিয়া প্ৰধান শিক্ষকৰ বিৰুদ্ধে আৰক্ষীয়ে কি ব্যৱস্থা লয় সেইয়া হে লক্ষণীয় হব ।

• দেৰগাঁৱত প্ৰধান শিক্ষকৰ উদ্ভণ্ডালি
• এজন দুজন নহয় চাৰিজনকৈ ছাত্ৰক গুৰুতৰ ভাৱে প্ৰহাৰ CSI নামৰ ব্যক্তিগত খণ্ডৰ বিদ্যালয়খনৰ প্ৰধান শিক্ষকৰ
• নিশা হোষ্টেলত সোমাই ছাত্ৰক প্ৰহাৰৰ কৰাৰ লগতে প্ৰহাৰ কৰিলে মহিলা শিক্ষয়িত্ৰীকো