নিউজ ডেস্ক, 6 ফেব্ৰুৱাৰী : কাজিৰঙা ৰাষ্ট্ৰীয় উদ্যানত শনিবাৰৰ পৰা আৰম্ভ হৈছে বাৰ্ষিক পক্ষী গণনা কাৰ্যসূচী ৷ ৰাষ্ট্ৰীয় উদ্যান তথা ব্যাঘ্ৰ প্ৰকল্প এলেকাৰ পূৱ অসম বন্যপ্ৰাণী সংমণ্ডল, নগাঁও বন্যপ্ৰাণী সংমণ্ডলৰ লগতে বিশ্বনাথ বন্যপ্ৰাণী সংমণ্ডলত একেলগে আৰম্ভ হৈছে পক্ষীৰ গণনা ৷
ইয়াৰ ভিতৰত পূৱ অসম বন্যপ্ৰাণী সংমণ্ডলত 22 জন পৰ্যবেক্ষকৰ লগতে 24 জন স্বেচ্ছাসেৱক, নগাঁৱত পাঁচটা দল আৰু বিশ্বনাথটো পাঁচটাকৈ দলে চলাইছে গণনা ৷ ৰাষ্ট্ৰীয় উদ্যানখনৰ অন্তৰ্গত চহলা, শোকানি, বেঙাবিল, ডাফলাং, বৰবিল, বান্দৰডুবি, পতাহি, ডোঙা আদি বিলক গণনাৰ বাবে সামৰি লোৱা হৈছে ৷