বিপ্লৱী বীৰ শংকৰ চন্দ্ৰ বৰুৱা আৰু প্ৰজ্ঞাশ্ৰী আৰতি শইকীয়াৰ পূৰ্ণাংগ প্ৰতিমূৰ্তি উন্মোচন

গোলাঘাট সমষ্টিৰ বিধায়িকা অজন্তা নেওগে উন্মোচন কৰে প্ৰতিমূৰ্তি৷

গোলাঘাট, 22 জুন : গোলাঘাটত উন্মোচন বিপ্লৱী বীৰ শংকৰ চন্দ্ৰ বৰুৱা আৰু সমাজ ৰত্ন প্ৰজ্ঞাশ্ৰী আৰতি শইকীয়াৰ পূৰ্ণাংগ প্ৰতিমূৰ্তি৷ গোলাঘাট পৌৰসভাৰ শংকৰ বৰুৱা পৌৰ উদ্যানত বিল্লৱী গৰাকীৰ প্ৰতিমূৰ্ত্তি উন্মোচন কৰে গোলাঘাট সমষ্টিৰ বিধায়িকা অজন্তা নেওগে ।

শংকৰ বৰুৱাৰ জেষ্ঠ পুত্ৰ কেশৱ বৰুৱাই বন্তি প্ৰজ্বলন কৰা অনুস্থানটোত মুখ্য অতিথি ৰূপে উপস্থিত থাকে গোলাঘাট জিলা মুক্তি যুজাৰু সন্মিলনৰ সভাপতি সোনাৰাম চুতিয়া আৰু কাৰ্যকৰী সভাপতি ভোলা সন্দিকৈ৷

ভাৰপ্ৰাপ্ত পৌৰপতি জুৰিদাস ৰাজখোৱাই আতঁ ধৰা উন্মোচনী অনুস্থানত বক্তব্য প্ৰদান কৰে প্ৰাক্তন পৌৰপতি তথা শংকৰ বৰুৱাৰ কনিষ্ট পুত্ৰ ডা : অজিত বৰুৱাই । অনুস্থানত শংকৰ বৰুৱাৰ জেষ্ঠ পুত্ৰদ্বয় কেশৱ চন্দ্ৰ বৰুৱা আৰু জীতেন বৰুৱা , গোলাঘাট নাগৰিক মঞ্চৰ সভাপতি তিলেশ্বৰ তামুলী, গোলাঘাট এমেচাৰ থিয়েটাৰ চচাইটিৰ সভাপতি ডা: মানস ৰয় সহ উপস্থিত থাকে বিভিন্নজন লোক৷