খুমটাইৰ ক'ভিড কেয়াৰ চেন্টাৰত সুস্থ ৬৫ জনকৈ ৰোগী

আজি খুমটাইৰ জৱাহৰ নবোদয় বিদ্যালয় ক'ভিড কেয়াৰ চেন্টাৰৰ পৰা ৬৫ জনকৈ ৰোগীক স্বাস্থ্য বিভাগে ঘৰলৈ যাবলৈ অনুমতি প্ৰদান কৰে।10 দিন ক'ভিড কেয়াৰ চেন্টাৰত চিকিৎসাধীন হৈ থকাৰ অন্তত ক'ভিড ৰিজাল্ট নিগেটিভ অহাত ঘৰলৈ যোৱাৰ আগমুহূৰ্তত বিহুনামৰ তালে তালে নাচি আনন্দ কৰে ক'ভিডৰ পৰা আৰোগ্য লাভ কৰা ৰোগীসকলে ৷

খুমটাই, 23আগষ্টঃ ৰাজ্যত কৰ'ণাত আক্ৰান্ত ৰোগীৰ সংখ্যা দিনক-দিনে বৃদ্ধি হোৱাৰ সময়তে আৰোগ্য লাভ কৰিছে বহু সংখ্যক ৰোগীয়ে ৷ আজি খুমটাইৰ জৱাহৰ নবোদয় বিদ্যালয় ক'ভিড কেয়াৰ চেন্টাৰৰ পৰা ৬৫ জনকৈ ৰোগীক স্বাস্থ্য বিভাগে ঘৰলৈ যাবলৈ অনুমতি প্ৰদান কৰে । 10 দিন ক'ভিড কেয়াৰ চেন্টাৰত চিকিৎসাধীন হৈ থকাৰ অন্তত ক'ভিড ৰিজাল্ট নিগেটিভ অহাত ঘৰলৈ যোৱাৰ আগমুহূৰ্তত বিহুনামৰ তালে তালে নাচি আনন্দ কৰে ক'ভিডৰ পৰা আৰোগ্য লাভ কৰা ৰোগীসকলে ৷

উল্লেখযোগ্য যে, বৰ্তমানলৈকে জৱাহৰ নবোদয় বিদ্যালয়ৰ ক'ভিড কেয়াৰ চেন্টাৰত ১২৬ জন কৰ’ণা প'জিটিভৰ ভিতৰত ৬৭ জন ৰোগীয়ে আৰোগ্য লাভ কৰাৰ বিপৰীতে এতিয়াও ৫৯ জন ৰোগী চিকিৎসাধীন হৈ আছে ৷ আনহাতে, আৰোগ্য লাভ কৰা ৰোগীসকলে জৱাহৰ নবোদয় বিদ্যালয়ৰ ক'ভিড কেয়াৰ চেন্টাৰত থকা সা-সুবিধা সমূহকো প্ৰশংসা কৰে ৷

লগতে পঢ়কঃবাজেট ব্যয় সন্দৰ্ভত দেৱব্ৰত শইকীয়াৰ মন্তব্যক অপপ্ৰচাৰ আখ্যা ৰাজ্যিক বিজেপিৰ