AANLA cadre arrested in Golaghat : পিষ্টলসহ গ্ৰেপ্তাৰ পাঁচ আনলা সদস্য

নৱবৰ্ষৰ প্ৰাকক্ষণত গোলাঘাট আৰক্ষীয়ে গ্ৰেপ্তাৰ কৰে আদিবাসী বিদ্ৰোহী সংগঠন 'আনলা'ৰ পাঁচ দুৰ্ধৰ্ষ সদস্যক (AANLA cadre arrested) ৷ অবৈধ মাৰণাস্ত্ৰ ক্ৰয় কৰাৰ সময়তে হাতে-লোটে গ্ৰেপ্তাৰ কৰে নিষিদ্ধ ঘোষিত সংগঠনটোৰ সদস্যকেইজনক ৷

গোলাঘাট, 31 ডিচেম্বৰ : নৱবৰ্ষৰ প্ৰাকক্ষণত গোলাঘাট আৰক্ষীৰ এক বৃহৎ সাফল্য । পিষ্টলসহ পাঁচজন প্ৰাক্তন আনলা সদস্যক গ্ৰেপ্তাৰ কৰিবলৈ সক্ষম হয় গোলাঘাট আৰক্ষীয়ে (AANLA cadre arrested by Golaghat Police) । অবৈধ মাৰণাস্ত্ৰ ক্ৰয় কৰিবলৈ অহা অৱস্থাত হাতে-লোটে গ্ৰেপ্তাৰ কৰে নিষিদ্ধ ঘোষিত সংগঠন আনলাৰ ৫ সদস্যক । ওদালগুৰি, বিশ্বনাথ আৰু তেজপুৰৰ তিনি আনলা সদস্য‌ই গোলাঘাটৰ দুই সদস্যৰ সহযোগত ক্ৰয় কৰিবলৈ আহিছিল পিষ্টল ।

গোলাঘাটৰ খুমটাইৰ ৪ নং বুটলীখোৱাত অবৈধ মাৰণাস্ত্ৰ ক্ৰয় কৰিবলৈ অহা আনলাৰ তিনি সদস্য ক্ৰমে ওদালগুৰিৰ পিযুষ দে’, বিশ্বনাথৰ বলোৰাম মাংগা আৰু তেজপুৰৰ কোষেশ্বৰ মাংকী নামৰ তিনি কেডাৰক আৰক্ষীয়ে গ্ৰেপ্তাৰ কৰে । খুমটাই ৪ নং বুটলীখোৱাৰ ফিৰ'ণ নাগ নামৰ আন এজন আনলা সদস্যৰ সহযোগত ক্ৰয় কৰিছিল পিষ্টলটো । পিষ্টলটো ক্ৰয় কৰি চাৰি কেডাৰে শাঁওতলীৰ গজেন্দ্ৰ চাহা নামৰ লোকজনৰ ঘৰৰ এটা টাবৰ ভিতৰত লুকুৱাই ৰাখিছিল ।

এক গোপন সূত্ৰৰ পম খেদি গোলাঘাট আৰক্ষীয়ে হাতে-লোটে গ্ৰেপ্তাৰ কৰিবলৈ সক্ষম হয় পিষ্টলসহ আনলা 5 জনক । ঘটনাস্থলীৰ পৰা ৬ টা মোবাইল ফোনো জব্দ কৰে আৰক্ষীয়ে । আৰক্ষীয়ে জানিবলৈ দিয়া অনুসৰি কূটাঘাত সংঘটিত কৰাৰ পৰিকল্পনা আছিল সদস্যকেইজনৰ ।

লগতে পঢ়ক:Encounter in Jorhat : আৰক্ষীৰ গুলিত গুলীবিদ্ধ পচা ওৰফে ৰমেশ বাছফৰ