চৰকাৰী আঁচনিয়ে ঢুকি নোপোৱা গোলাঘাটৰ এখন গাঁও

চৰকাৰী আঁচনিয়ে ঢুকি নোপোৱা গোলাঘাটৰ দুই নং মিলনপুৰ গাঁও,বিদ্যুৎ সেৱাৰ বাহিৰে আন সকলো চৰকাৰী আঁচনিৰ পৰা বছৰ বছৰ ধৰি বঞ্চিত অঞ্চলটোৰ ৰাইজ ৷ এইয়া ৰাইজৰ অভিযোগ ৷

গোলাঘাট, 22 আগষ্টঃ গোলাঘাটৰ ৰতনপুৰ গাঁও পঞ্চায়তৰ অন্তৰ্গত দুই নং মিলনপুৰ গাঁৱৰ পথৰ দুৰাৱস্থাই জীয়াতু ভোগাইছে অঞ্চলটোৰ ৰাইজক ৷ পথটোৰ দুৰাৱস্থাৰ বাবে অঞ্চলটোত এম্বুলেঞ্চ সোমাব নোৱাৰাৰ উপৰিও বিদ্যালয়লৈ শিক্ষক পৰ্যন্ত আহিব নোৱাৰাৰ অভিযোগ উঠিছে ৷ ইয়াৰোপৰি বিদ্যুৎ সেৱাৰ বাহিৰে আন কোনো চৰকাৰী আঁচনিয়ে ঢুকি পোৱা নাই অঞ্চলটোত ৷ সেয়ে উক্ত গাঁও খনৰ প্ৰতি দৃষ্টি দিবলৈ চৰকাৰক আহ্বান জনাইছে স্থানীয় ৰাইজে ৷