গোৱালপাৰা,7 ডিচেম্বৰঃ গোৱালপাৰাত পুনৰ হাতীৰ আক্ৰমণত নিহত এজন লোক। স্থানীয় ৰাইজৰ দাবী লাডেনৰ মৃত্যু হোৱা নাই লাডেন এতিয়াও জীৱিত আছে। লাডেনৰ আক্ৰমণতেই নিহত হৈছে হৰিন ৰাভা নামৰ ব্যক্তিগৰাকীৰ।
গোৱালপাৰাত পুনৰ হাতীৰ আক্ৰমণত নিহত এজন ব্যক্তিৰ। নিহত ব্যক্তিজন আগিয়া থানাৰ অন্তৰ্গত ১নং চামাগুৰি জংঘল ব্ল'কৰ হৰিণ ৰাভা বুলি চিনাক্ত। শুকুৰবাৰে সন্ধিয়া এটি অকলশৰীয়া হাতী এটাৰ আক্ৰমণত হৰিণ ৰাভা নামৰ ব্যক্তি গৰাকী নিহত হয় যদিও শনিবাৰে পুৱাহে উদ্ধাৰ হয় মৃতদেহটো। হৰিণ ৰাভাৰ মৃতদেহ উদ্ধাৰ হোৱাৰ পাছতে তীব্ৰ চাঞ্চল্যৰ সৃষ্টি হৈছে গোৱালপাৰা জিলাত।লাডেন নামৰ হাতীটোক বিধায়ক পদ্ম হাজৰিকাই কৰায়ত্ত্ব কৰি বন বিভাগক চমজাই দিয়াৰ পাছত মৃত্যু হোৱাত স্বাভাৱিকতে জিলাখনৰ ৰাইজ স্বত্বিৰ নিশ্বাস পেলাইছিল যদিও পুনৰ অকলশৰীয়া হাতী এটাই হৰিণ ৰাভাক হত্যা কৰাৰ পাছতে প্ৰকৃত লাডেন জীৱিত হৈ থকাৰ সন্দেহ কৰিছে স্থানীয় ৰাইজে।