গোৱালপাৰা,২ আগষ্ট :ৰাজ্যজুৰি ড্ৰাগছ তথা নিচাজাতীয় দ্ৰব্যৰ বিৰুদ্ধে অসম আৰক্ষীৰ অভিযান অব্যাহত আছে । ফলস্বৰূপে প্ৰায় প্ৰতিদিনে ঠায়ে ঠায়ে জব্দ হৈছে গাঞ্জা, ড্ৰাগছ আৰু নিচাজাতীয় দ্ৰব্য । শেহতীয়াকৈ গোৱালপাৰা আৰক্ষীয়ে নিষিদ্ধ সামগ্ৰীৰ বিৰুদ্ধে অভিযান তীব্ৰতৰ কৰিছে । তেনে এক ড্ৰাগছ বিৰোধী অভিযানত আৰক্ষীয়ে জব্দ কৰে বৃহৎ পৰিমাণৰ কফ চিৰাপ (Large quantity of phensedryl seized in Goalpara)।
গোৱালপাৰাত বৃহৎ পৰিমাণৰ কফ চিৰাপ জব্দ
গোপন সূত্ৰৰ খবৰৰ ভিত্তিত গোৱালপাৰা চহৰৰ মাজমজিয়াৰ পৰা আৰক্ষীয়ে জব্দ কৰে কফ চিৰাপখিনি । আৰক্ষীয়ে জনোৱা মতে প্ৰায় ৫ হাজাৰ কফ চিৰাপৰ বটল জব্দ কৰা হৈছে । ML০৮-M-৩৪১৮ নম্বৰৰ এখন ট্ৰাকৰ পৰা আৰক্ষীয়ে জব্দ কৰে কফ চিৰাপখিনি ।