7 বজাৰ শীৰ্ষ 10 টা বাতৰি

7 বজাৰ শীৰ্ষ 10 টা বাতৰি

শীঘ্ৰে আম্বানীৰ ব্যক্তিগত চিৰিয়াখানালৈ প্ৰেৰণ কৰা হ’ব অসম ৰাজ্যিক চিৰিয়াখানাৰ জন্তু ৷ যাক লৈ এতিয়া সৰৱ হৈ পৰিছে এতিয়া ৰাজ্যৰ দল-সংগঠনসমূহ ৷ শনিবাৰেও অসম ৰাজ্যিক চিৰিয়াখানাৰ সন্মুখত প্ৰতিবাদ কৰিবলৈ আহিছিল চিৰিয়াখানা সুৰক্ষা মঞ্চ, প্ৰদেশ কংগ্ৰেছ আৰু তৃণমূল কংগ্ৰেছৰ বহু সদস্যই (Protest in front of Assam State Zoo Guwahati)৷ কিন্তু প্ৰতিবাদ কৰাৰ পূৰ্বেই অসম আৰক্ষীয়ে আটক কৰে প্ৰতিবাদকাৰীক ৷

ছাত্ৰ একতা সভাৰ নিৰ্বাচনত স্থগিতাদেশ জাৰি কৰাৰ পাছতে উত্তাল প্ৰতিবাদ বি বৰুৱা মহাবিদ্যালয়ত (Protest at B Borooah college)। মহাবিদ্যালয়ৰ ছাত্র একতা সভাৰ সভাপতি আৰু সম্পাদকৰ বিৰুদ্ধে ক্ষোভিত শিক্ষাৰ্থীসকল । অধ্যক্ষৰ বিৰুদ্ধেও প্ৰতিবাদী শ্ল'গান দিলে শিক্ষাৰ্থীসকলে ।

তিহাৰ কাৰাগাৰৰ ভিতৰত বন্দী হৈ থকা দিল্লীৰ মন্ত্ৰী সত্যেন্দ্ৰ জৈনক আন কয়েদীয়ে দিছে মালিচ । সামাজিক মাধ্যমত ভাইৰেল কাৰাগাৰৰ ভিতৰৰ ভিডিঅ'টো (Satyendar Jain viral video)। ভিডিঅ'টো ভাইৰেল হোৱাৰ পাছতে দিল্লী চৰকাৰক তীব্ৰ সমালোচনা বিৰোধী বিজেপিৰ ।

১৯ নৱেম্বৰৰ পৰা ডিমা হাছাও জিলাত আৰম্ভ হৈছে বিশ্ব ঐতিহ্য সপ্তাহ ২০২২ । শনিবাৰে ইয়াৰ লগত সংগতি ৰাখি আন্তঃৰাষ্ট্ৰীয় চেমিনাৰৰ আয়োজন কৰা হয় (International Seminar at Haflong)। চেমিনাৰত অসম চৰকাৰৰ শিক্ষামন্ত্ৰী ডাঃ ৰণোজ পেগুৰ লগতে কেইবাগৰাকী বিশিষ্ট ব্যক্তি উপস্থিত থাকে ।

২০২২ বৰ্ষৰ ড৹ ভূপেন হাজৰিকা আন্ত:ৰাষ্ট্ৰীয় সমন্বয় বঁটা আগবঢ়োৱা হৈছে কিংবদন্তী গায়িকা ঊষা মংগেশকাৰলৈ (Singer Usha Mangeshkar) । ২২ নৱেম্বৰত গুৱাহাটীৰ নেডফি হাউচত আয়োজিত অনুষ্ঠানত ৰাজ্যপাল জগদীশ মুখীয়ে প্ৰদান কৰিব এই বঁটা ।

ৰাজনীতিৰ নামত ধৰ্মান্তৰকৰণ ভাল কথা নহয় । হাগ্ৰামাৰ(Hagrama Mahilary) লগত মিত্ৰতাৰ সিদ্ধান্ত কেন্দ্ৰই গ্ৰহণ কৰিলে ক’বলগীয়া একো নাই । নলবাৰীত এই মন্তব্য ৰাজ্যিক বিজেপিৰ সভাপতি ভৱেশ কলিতাৰ (Assam BJP president)। ড৹ হীৰেন গোহাঁইৰ প্ৰতিটো ৰাজনৈতিক বক্তব্য অশুদ্ধ বুলি মন্তব্য কৰিলে সাংসদে ।

প্ৰৱঞ্চক সুকেশ চন্দ্ৰশেখৰে পুনৰ এখন পত্ৰৰ জৰিয়তে আপ দলৰ বিৰুদ্বে উত্থাপন কৰিছে গুৰুতৰ অভিযোগ ৷ দিল্লীৰ মন্ত্ৰী সত্যেন্দ্ৰ জৈনৰ বিৰুদ্ধে প্ৰৱঞ্চক সুকেশ চন্দ্ৰশেখৰে উত্থাপন কৰিছে গুৰুতৰ অভিযোগ (sukesh chandrashekhar new letter)। অভিযোগযোগে কোৱা হৈছে যে সত্যেন্দ্ৰ জৈনে ২০১৭ চনত প্ৰৱঞ্চকটোৰ পৰা ২ কোটি ডলাৰ (বিটকইনৰ অংশ) টকালৈ ৰূপান্তৰিত কৰিবলৈ সহায় বিচাৰিছিল । আপৰ বিৰুদ্ধে আন এখন পত্ৰ প্ৰকাশ কৰি প্ৰৱঞ্চক সুকেশ চন্দ্ৰশেখৰে কাৰাবন্দী দিল্লীৰ মন্ত্ৰী সত্যেন্দ্ৰ জৈনক লৈ চাঞ্চল্যকৰ দাবী উত্থাপন কৰে।

আজি দুপৰীয়া শিলচৰত উপস্থিত হ'ব কেন্দ্ৰীয় মন্ত্ৰী সৰ্বানন্দ সোণোৱাল (Minister Sarbananda Sonowal) । বদৰপুৰত থকা সময়ত তেওঁ জাহাজঘাট পৰিদৰ্শন কৰিব ।

এছিয়ান কাপ টেবুল টেনিছ টুৰ্ণামেণ্টৰ ছেমি ফাইনেলত জাপানৰ মিমা ইটোৰ হাতত পৰাস্ত ভাৰতীয় টেবুল টেনিছ খেলুৱৈ মণিকা বাত্ৰাৰ । মণিকাই ২-৪ পইণ্টৰ ব্যৱধানত ছেমি ফাইনেলত পৰাস্ত হয় (Manika Batra loses in semi finals)। ১৭ নৱেম্বৰৰ পৰা তিনিদিনীয়াকৈ বেংককত অনুষ্ঠিত হৈছে এই প্ৰতিযোগিতা ।

পুনৰ বিস্ফোৰণ ঘটালে ৰমাকান্ত দেউৰীয়ে । এইবাৰ বন বিভাগৰ লোকক যাঠী, দা লৈ আক্ৰমণ কৰিবলৈ আহ্বান জনালে বিধায়কগৰাকীয়ে (Rama Kanta Dewri reacts over eviction)। ভূমিপুত্ৰ, জাতীয় সংগঠনক বন বিভাগৰ বিৰুদ্ধে থিয় দিবলৈ আহ্বান বিজেপি বিধায়কগৰাকীৰ ।