গোৱালপাৰা, ১৪ ছেপ্টেম্বৰ: ৰাজ্যত ড্ৰাগছ বিৰোধী অভিযান অব্যাহত থকাৰ সময়তে সোমবাৰে গোৱালপাৰাৰ দুধনৈত জব্দ হ'ল বহু পৰিমাণৰ নিচাযুক্ত দ্ৰব্য । দুধনৈ আৰক্ষীয়ে ৩টা ড্ৰাগছ সৰবৰাহকাৰীকো আটক কৰে । অল ইণ্ডিয়া টুৰিষ্ট টেক্সি সেৱাৰ সৈতে জড়িত এন এল 07 টি 0815 নম্বৰৰ উইংগাৰ এখনৰ পৰা আৰক্ষীয়ে য়াবা টেবলেট আৰু হেৰ'ইন জব্দ কৰে । ডিমাপুৰৰ পৰা মানকাচৰলৈ গৈ থকা অৱস্থাত দুধনৈ আৰক্ষী থানাৰ সন্মুখতে দুধনৈ আৰক্ষী থানাৰ ভাৰপ্ৰাপ্ত আৰক্ষী বিষয়া দুলাল মহন্তৰ নেতৃত্বত আৰক্ষীৰ দলে বাহনখন জব্দ কৰে ।
গোৱালপাৰাত য়াবা টেবলেটসহ ৩ সৰবৰাহকাৰীক আটক
২০টা পেকেটত মুঠ ২৫৬ গ্ৰাম হেৰ'ইন অনা হৈছিল । লগতে ৪০ হাজাৰ য়াবা টেবলেট আছিল উইংগাৰখনত । এই সামগ্ৰীখিনিৰ সৈতে তিনিটা সৰবৰাহকাৰীকো আৰক্ষীয়ে আটক কৰে । জব্দকৃত নিচাজাতীয় দ্ৰব্যখিনিৰ বজাৰমূল্য প্ৰায় আঢ়ৈ কোটি টকা বুলি অনুমান কৰিছে আৰক্ষীয়ে ।