প্ৰতিবাদত উত্তাল গোৱালপাৰা জিলা উপায়ুক্তৰ কাৰ্যালয়

ভাৰতীয় সেনাৰ অৱসৰপ্ৰাপ্ত কেপ্টেইন সোনা উল্লাহৰ মুক্তিৰ দাবীত প্ৰতিবাদ সাব্যস্ত কৰে ছাত্ৰ মুক্তি সংগ্ৰাম সমিতি আৰু কৃষক মুক্তি সংগ্ৰাম সমিতিয়ে

গোৱালপাৰা, 3 মে’: সোমবাৰে ভাৰতীয় সেনাৰ অৱসৰপ্ৰাপ্ত কেপ্টেইন সোনা উল্লাহৰ মুক্তিৰ দাবীত অৱস্থান ধৰ্মঘট কাৰ্যসূচী ৰূপায়ণ কৰে ছাত্ৰ মুক্তি সংগ্ৰাম সমিতি আৰু কৃষক মুক্তি সংগ্ৰাম সমিতিয়ে ৷ গোৱালপাৰা জিলা উপায়ুক্ত কাৰ্যালয়ৰ চৌহদত প্ৰতিবাদ সাব্যস্ত কৰে দুয়োটা সংগঠনে ৷ ৰাষ্ট্ৰপতি পদক প্ৰাপ্ত ভাৰতীয় সেনাৰ অৱসৰপ্ৰাপ্ত কেপ্তেইনগৰাকীক বিনা চৰ্তে মুকলি কৰি দিয়াৰ লগতে, কোনো ভাৰতীয় নাগৰিকক হাৰাশাস্তি নকৰাকৈ শুদ্ধ এনআৰচি প্ৰস্তুত কৰাৰ দাবী জনায় প্ৰতিবাদকাৰীয়ে ৷ ইয়াৰোপৰিও, এনআৰচি প্ৰস্তুতকৰণত চৰকাৰৰ হস্তক্ষেপ থকা বুলিও অভিযোগ উত্থাপন কৰে সংগঠন কেইটাই ৷