গোৱালপাৰা, 15 ছেপ্তেম্বৰ: প্ৰধানমন্ত্ৰী নৰেন্দ্ৰ মোডীৰ 70 সংখ্যক জন্মদিন উপলক্ষে দেশজুৰি আৰম্ভ হৈছে "সেৱা সপ্তাহ" কাৰ্যসূচী ৷ দেশৰ আন প্ৰান্তৰ লগতে অসমতো বিজেপিয়ে পালন কৰিছে "সেৱা সপ্তাহ" কাৰ্যসূচী ৷ এই "সেৱা সপ্তাহ" উপলক্ষে মঙলবাৰে গোৱালপাৰাৰ জলেশ্বৰত চাফাই অভিযান চলাই শতাধিক বিজেপি কৰ্মীয়ে ৷ বিজেপিৰ কৰ্মীসকলে জলেশ্বৰ বজাৰৰ লগতে জলেশ্বৰ আদৰ্শ চিকিৎসালয়তো চলাই চাফাই অভিযান ।
জলেশ্বৰত বিজেপিৰ "সেৱা সপ্তাহ" কাৰ্যসূচী উল্লেখ্য যে, উক্ত চাফাই অভিযানত অংশগ্ৰহণ কৰে ৰাজ্যিক বিজেপিৰ সংখ্যালঘু মৰ্চাৰ সম্পাদক ওচমান গণি, আৰ এছ এছৰ কৰ্মী মকিবুৰ ৰহমান, জলেশ্বৰ মণ্ডলৰ প্ৰভাৰী ৰাকেশ গুপ্তা, জলেশ্বৰ মণ্ডল সভাপতি আনোৱাৰ হুচাইন ৷ ইয়াৰ ওপৰিও উক্ত অনুষ্ঠানত উপস্থিত থাকে জলেশ্বৰ মণ্ডলৰ সাধাৰণ সম্পাদক মুকুল আহমেদ, গোৱালপাৰা জিলা বিজেপিৰ যুৱ মৰ্চাৰ কাৰ্যনিৰ্বাহক সদস্য আব্দুল্লাহ আল ফাৰুক মোগলৰ লগতে শতাধিক বিজেপি কৰ্মী ৷
লগতে পঢ়কঃগড়চুক পামহি বজাৰত বৃহৎ পৰিমানৰ ধনৰ লেন দেনৰ অভিযোগ
