গোৱালপাৰা, ২০ আগষ্ট: ৰাজ্যৰ ভিন্ন প্ৰান্তত ফৰলেনযুক্ত পথ নিৰ্মাণৰ কাম চলি আছে । এই পথসমূহ নিৰ্মাণৰ বাবে চৰকাৰী পক্ষৰ আহ্বানমৰ্মে বহু লোকে নিজৰ মাটি এৰি দিছে । সেইবোৰ স্থানত থকা বাসগৃহ আদিও ভাঙি পেলোৱা হৈছে । মাটি লোৱাৰ বিনিময়ত চৰকাৰে মাটিৰ গৰাকীক ধন পৰিশোধৰ প্ৰতিশ্ৰুতি দিছিল ।
কিন্তু ৰাজ্যৰ কিছুমান জিলাত এইসকল লোকক এতিয়াও ক্ষতিপূৰণ আদায় দিবলৈ বাকী আছে । গোৱালপাৰা(Goalpara) জিলাৰ হাদলাপাৰাতো বহু পৰিয়ালে এতিয়াও ক্ষতিপূৰণ লাভ কৰা নাই । সেয়ে, মাটিৰ গৰাকীক ক্ষতিপূৰণ আদায় দিয়াৰ দাবীত শুকুৰবাৰে প্ৰতিবাদী কাৰ্যসূচী ৰূপায়ণ কৰে সদৌ ৰাভা ছাত্ৰ সন্থা(All Rabha Student Union)ৰ গোৱালপাৰা জিলা সমিতি, সদৌ ৰাভা মহিলা পৰিষদ(All Rabha Women Council) আৰু ষষ্ঠ অনুসূচী দাবী কমিটীৰ সদস্যসকলে । এঘন্টাৰ বাবে ১৭ নং ৰাষ্ট্ৰীয় ঘাইপথ অৱৰোধ কৰে সংগঠনকেইটাই ।
গোৱালপাৰাত ১৭ নং ৰাষ্ট্ৰীয় ঘাইপথ অৱৰোধ ৰাভা ছাত্ৰ সন্থাৰ