গোৱালপাৰা, 25 জুন:আন্তৰ্জাতিক ড্ৰাগছ বিৰোধী দিৱসলৈ(International anti drugs day) মাজত মাথো এদিন বাকী থকা অৱস্থাত গোৱালপাৰাত আৰক্ষীয়ে জ্বলালে ড্ৰাগছসহ বহু পৰিমানৰ নিচাজাতীয় সামগ্ৰী (Goalpara police burnt drugs and other narcotic items) ৷ জিলাখনত বিগত দুই তিনি বছৰ ধৰি অভিযান চলাই জব্দ কৰা এই বৃহৎ সংখ্যক নিচাযুক্ত সামগ্ৰী শনিবাৰে জ্বলাই দিয়া হয় ৷
গোৱালপাৰা জিলাৰ আৰক্ষী অধীক্ষক ভি ভি আৰ ৰেড্ডীৰ উপস্থিতিত ড্ৰাগছ, টেবলেট আৰু গাঞ্জাকে ধৰি বিভিন্ন নিচাজাতীয় সামগ্ৰীসমুহ জ্বলাই নষ্ট কৰা হয় (Drugs Burnt in Goalpara) ৷ জিলাৰ আৰক্ষী অধীক্ষকগৰাকীয়ে সংবাদ মাধ্যমক ক’লে, বিভিন্ন সময়ত ড্ৰাগছৰ লগতে যিকোনো নিচাজাতীয় সামগ্ৰীৰ বিৰুদ্ধে চলোৱা অভিযানত আৰক্ষীক ৰাইজে বহুখিনি সহায় সহযোগীতা আগবঢ়াই আহিছে । লগতে গোৱালপাৰাৰ মাকৰিৰ ফায়েৰিং ৰেঞ্জত জ্বলোৱা এই নিচাজাতীয় সামগ্ৰী সমূহৰ বজাৰ মূল্য প্ৰায় ১ কোটি টকা হ’ব বুলি জানিবলৈ দিয়ে আৰক্ষী অধীক্ষকগৰাকীয়ে ৷