ফেচবুকত অশ্লীল মন্তব্য কৰি ৰঙাঘৰলৈ এজন

ফেচবুকত অশ্লীল মন্তব্য কৰি ৰঙাঘৰৰ আলহী হ'ল এগৰাকী যুৱক। সম্প্ৰতি যুৱকজন লক্ষীপুৰ আৰক্ষীৰ জিম্মাত ।

পশ্চিম গোৱালপাৰা,29 জুন : ফেচবুকত অশ্লীল মন্তব্য কৰি পোষ্ট দি ৰঙাঘৰৰ আলহী হ'ল এগৰাকী যুৱক । বঙাইগাঁও জিলাৰ মাণিকপুৰ আৰক্ষী থানাৰ অধীনষ্ঠ সোনাঘোলা গাঁৱৰ মজিবুৰ ৰহমানৰ পুত্ৰ সমীৰ জালালে কিছুদিন পূৰ্বে নিজৰ ফেচবুক একাউন্টৰ পৰা ভগৱান শ্ৰী ৰামৰ বিষয়ে অশ্লীল মন্তব্য দিছিল পোষ্ট ৷ ইয়াকে লৈ ফেচবুকত সৃষ্টি হৈছিল তীব্ৰ প্ৰতিক্ৰিয়াৰ।

ফেচবুকত অপশব্দ প্ৰয়োগ কৰি ৰঙাঘৰলৈ এজন

পাচত ছমিৰ জালালৰ এনে মন্তব্যৰ বিৰুদ্ধে বিগত 23 জুনত লক্ষীপুৰ আৰক্ষী থানাত স্থানীয় যুৱক ৰফিকুল ইছলামে এখন এজাহাৰ দাখিল কৰে । তেওঁৰ এজাহাৰৰ ভিত্তিতেই লক্ষীপুৰ আৰক্ষীয়ে 337/2019 নম্বৰত 153(A)/295(A)/298 ধাৰাত এক গোচৰ ৰুজু কৰি আটক কৰে যুৱকজনক ৷ লক্ষীপুৰ আৰক্ষীয়ে বঙাইগাঁও ন্যায়িক দণ্ডাধীশৰ আদালতৰ পৰা তিনি দিনৰ জিম্মাত লৈ অব্যাহত ৰাখিছে সোধ-পোচ ।