গোৱালপাৰা, 23 অক্টোবৰ :মিঞা সংগ্ৰহালয়কলৈ শাসক-বিৰোধীৰ বাকযুদ্ধ চলি থকাৰ মাজতে বিতৰ্কৰ অৱসান ঘটাই আজি অৰ্থাৎ দেওবাৰে অনুষ্ঠিকভাৱে উদ্বোধন কৰা হ’ল এটা মিঞা সংগ্ৰহালয় (Miya Museum inaugurated at Lakhipur) । বৰপেটা জিলাৰ বাঘবৰ সমষ্টিৰ বিধায়ক শ্বেৰমান আলীয়ে মিঞাসকলৰ অতীজৰে পৰা ব্যৱহাৰ কৰা সামগ্ৰীবোৰ কলাক্ষেত্ৰৰ সংগ্ৰহালয়ত ৰখাৰ বাবে দাবী কৰি বিতৰ্কৰ সৃষ্টি কৰি আহিছিল ।
মিঞা সংগ্ৰহালয় উদ্বোধন
অৱশেষত আজি এই বিতৰ্কৰ অৱসান ঘটাই মিঞা সংগঠনৰ একাংশ লোকে আনুষ্ঠানিকভাৱে উদ্বোধন কৰে মিঞা সংগ্ৰহালয় । অৱশ্যে কলাক্ষেত্ৰৰ পৰিৱৰ্তে গোৱালপাৰা জিলাৰ লক্ষীপুৰৰ ডাপকাৰভিটাত স্থাপন কৰা হ’ল এই সংগ্ৰহালয়টো (Miya museum Establishment in Goalpara) ।