গোৱালপাৰা, ১৫ নৱেম্বৰ :গোৱালপাৰাত সোমবাৰে সাংসদ গৌৰৱ গগৈয়ে প্ৰয়াত মুখ্যমন্ত্ৰী তৰুণ গগৈৰ এটা অৱক্ষ মূৰ্তি উন্মোচন কৰে ৷ গোৱালপাৰা জিলাৰ পূব বিধানসভা সমষ্টিৰ বিধায়ক এ কে ৰছিদ আলমৰ একক প্ৰচেষ্টাত নিৰ্মাণ কৰা হৈছে এই প্ৰতিমূৰ্তিটো ৷ প্ৰয়াত মুখ্যমন্ত্ৰীৰ অৱক্ষ মূৰ্তি উন্মোচনৰ উপলক্ষে গোৱালপাৰাৰ ৰাজীৱ ভৱনত এখন ৰাজহুৱা সভা অনুষ্ঠিত কৰা হয় ।
গোৱালপাৰাত প্ৰয়াত মুখ্যমন্ত্ৰী তৰুণ গগৈৰ প্ৰতিমূৰ্তি
সভাত সাংসদ গৌৰৱ গগৈৰ লগতে কংগ্ৰেছৰ বিধায়িনী দলৰ উপ-দলপতি ৰকিবুল হুছেইন, বিধায়ক যাদৱ স্বৰ্গীয়াৰী, বিধায়ক এ কে ৰছিদ আলম, কংগ্ৰেছ নেতা মানস বৰা, শান্তনু বৰা আৰু গোৱালপাৰা জিলা পৰিষদৰ সভানেত্ৰী ডেমজিয়া মাৰাক উপস্থিত থাকে । প্ৰয়াত মুখ্যমন্ত্ৰীৰ প্ৰতিমূৰ্তি উন্মোচনৰ পাছত সাংসদ গৌৰৱ গগৈয়ে পিতৃ তথা প্ৰয়াত মুখ্যমন্ত্ৰী তৰুণ গগৈৰ কৰ্মৰ কিছু খতিয়ান দাঙি ধৰে ।